[VIUTV全民造星]12人男子組合MIRROR討論區（34）

我反而覺得佢哋咁玩先有話題搶到fo
Live聽到在場人都識笑
Kolar又跟住玩埋一份
我覺得ok wor
我在意既係姜仔d懶音

佢哋夾好扮郭富城嚟介紹自己係無問題
主要係AK同姜仔個反應令我覺得好尷尬
好似唔想做又被迫做咁要搵窿捐

其實姜仔成日做訪問宣傳都好似尷尷尬尬咁

幾好玩啊 笑得出

懶音講到隻耳起枕 相信大家都知道問題既嚴重性
不過好似呼吸咁自然既習慣 起碼幾年慢慢黎
唱歌拍劇就盡力咬好每句歌詞對白啦
知道好難一時三刻改善到 預左俾人狂bin bin下都係動力黎
俾時間慢慢改冇問題 最緊要係fans唔好又衝出黎柒

教主找左數

其實一直以來佢哋會派嘅飛都係Viu比,先唔好講佢哋將最好嘅留晒比自己,然後將啲唔要嘅懶係派出嚟抽

但你唔係Admin&friends就根本諗都唔使諗你會有份抽中嗰啲佢哋自己唔要嘅嘢啦. 之前啲活動更加係留晒比自己朋友

加上你收得人哋錢,係咪好合理要公開盤數?之前所有唔清唔楚嘅數係咪就可以由佢哋袋晒落自己袋,當粉筆字咁抹咗去?

我啱啱走去睇返,原來由佢哋話會公開盤數到而家已經超過一年,究竟要走數走到幾時?2019年5月10號到依家, A姐諗住攬住舊錢同盤數到幾時?生日會都就嚟過咗一年
另外聽講BBQ之前收咗人哋每人$200,完全冇諗過要退返 依家疫情你搞唔到我理解,但係如果人哋選擇唔去點解唔可以退返錢?



依家唔跟fc自己搞應援嘅fans聽講已經係一直受盡A姐打壓,都想像唔到之後會係點

tg得返一班新粉日日吹奏fc,一係就講自己幾重食咩宵夜,狂send sticker話要lam A姐
我相信啲神徒入group係想知教主資訊唔係睇你班人圍爐吹奏港共囉

你哋成日屌北韓fc,但係起碼之前屌完佢係會懶係做返啲嘢,例如佢哋抽獎會公開,盤數亦都透明.神教A姐係同條柒婆零分別，你有你屌佢有佢唔聽
港共同北韓邊個衰啲我真係分唔清

講咁多,最後都只係得啖笑,因為A姐話連登係吹水,唔會理,同林奠一樣無誤

MIRROR將於下月推出新歌，最近已密鑼緊鼓錄音、練舞及拍MV

Oh My Jeremy

知唔知團歌幾時出? 永遠係下個月啊！
知唔知團碟幾時有? 永遠係年中啊！

其實班仔嘅非官方fc 你課得金就係講個信字
講真就算佢公開盤數
你一樣可以質疑佢d數字架咼
Income個舊數佢無可能按人名咁list番每個人比左幾多錢 (私隱問題)
你唔信嘅又係一樣會質疑
佢衰係衰在之前應承咼最尾無左件事姐
但當日嘅admin都唔係今日嘅admin啦....

其實佢d野mark up得多我都無所謂
在我黎講
我比得錢 只要AL d應援做得好 (紅隧個個無得輸)就已經okay

利申 完全唔係admin & friends

質疑係一回事 fc公開盤數又係一回事
唔應該因為覺得點都有人質疑就將唔公開當左無所謂
何況 條數係真既 怕咩人質疑?
依家就係連公開條數既勇氣都冇 更加要受到質疑
即使佢既應援做得幾好

利申 完全唔關我事 不過鏡仔啲fc真係只有更差
如果鏡粉見到有問題又覺得冇所謂唔影響自己唔想影響仔仔唔出聲
咁同依家既_ _有咩分別?

兜返轉頭 fc都冇諗住回應下上面啲問題架啦

你講得啱呀,各人有各人選擇,你ok咪得囉
我就唔想將自己啲錢倒落海,所以會繼續唔比同埋大大力屌佢掠水

至於你話當日嘅Admin都唔係今日嘅Admin,只能笑而不語
A姐只係由做背後嗰個變咗做出面嗰個
實質啲嘢究竟邊個做?冇人知因為根本冇公開過
做神徒做咗咁耐,連Admin有邊個都冇講過呀

咁請問bbq白白收咗人哋嗰啲錢又去咗邊呢,點解唔可以退?
皇室堡有活動話疫情期間唔想多人,咁點解自己call齊晒啲friend去私追但係又唔通知其他神徒?人哋糖嘅Admin一個都冇去喎
呢啲都同A姐冇關?

Bbq就真係衰嘅
我見佢仲話聖誕先搞