世紀大難題 細銀包定cardholder好？

用開個長銀包爛 同埋最近轉左用細袋想 買番個細銀包/cardholder
而家唔知轉邊款好 有無好推薦？
筆直3k內

人生贏家 3k咁緊係係細銀包

Cardholder 買prada d款我覺得唔錯

prada啲money clip款幾型, 又係筆直內

我見到呢款應該最少放到5張卡

用緊YSL個Cardholder，裝到6、7張卡，但啲錢好難攞，同埋預咗啲錢要摺幾下，攞出嚟麻煩，準備轉細銀包。

但睇中個款有啲厚 係到猶豫緊

我都諗左好耐摺錢呢個問題 但而家好似用八達通呀applepay多 唉好煩惱

Money Clip Wallet 啦。

你想用小銀包/ card holder 都係想個銀包薄身啲，money clip wallet 可以滿足你之餘，仲方便過呢兩款。

有六至八個格放咭，再放幾張銀紙，乜都夠，用咗幾年，爽

習慣就好🤣🤣我係因為想啲錢靚啲又睇中先換。

你諗住換邊款呀？？

散銀呢？

銀包係裝咭同大紙。$100以下同銀仔都係放右前褲袋，因為散紙話拎就拎，唔想慢慢摷。

兼且用咗八達通好少散銀，同埋通常放喺車，有時找到嚟就慣咗放前褲袋。

同埋散銀格通常好厚，通常兩三層皮，我唔會為咗幾蚊而令到個銀包厚一倍。

YSL有得放相個款，又唔係好大個，好正睇到

我就係見到本身睇中個銀包厚左 但又唔想放散銀係袋
先諗緊cardholder好煩呢

money clip wallet就係唔使摺銀紙嘅card holder。而且唔會因為啲咭疊得太犀利而拍唔到。

女人好少會用money clip wallet/ bellroy嗰啲thin wallet 因為佢哋唔係擺褲袋 變相散銀又要搵個袋仔擺先擺到入手袋 最尾又多咗嚿嘢 hard sell樣嘢之前睇下使用者習慣先啦

講真買完cardholder我覺得樓主你會後悔 本身用長銀包都會習慣有好多嘢喺入面 卡啊單啊 紙幣好整齊咁擺 又攝下膠布etc 除非你真係完全依賴電子錢包呢啲啦 同埋用cardholder係每張出現嘅紙幣都要摺到好細好整齊疊埋一齊再同埋散銀炒埋一碟先得 每次拎錢都係一種障礙

噢，我唔知樓主係女人喔

男人一般都鍾意銀包薄，所以先叫佢試下。

用緊YSL既呢個款，好用喎

摺一下咪得

同意呀。係香港地都係長銀包好用。就算冇咩實體會員卡，但係銀行卡，信用卡，車牌，膠布，證件相個啲都要位。
好似我依家係澳洲，用cardholder ，因為呢邊銀行出debit MasterCard/ visa ，paywave 好方便，好多舖都有錢，比較少用現金。但係有時拿現金都要撩好耐先拿到錢俾人啲錢又要摺到好細先放得入cardholder

Sor 係好多舖都有*paywave 機

摺一下 點解要摺得細

用緊呢隻，平靚正
https://www.exentri.com/shop/6-exentri-wallet-/21-wallet---sand/

點解唔用cardholder再加銀包？