有無巴打試過係私人市埸買未補地價居屋(成交個日幫業主補地價個種) ?

近排開始留意緊一D 二三十年的居屋單位，但發現好多賣家都係一開始住到依家
所以佢個單位都係未補地價的，咁佢地放盤個時都有兩個價，未補地價 同 已補地價 的價。
咁我本身唔係 綠表/白居二 人士，所以只能夠睇已補地價 個價啦
上網睇過D資料，就話如果買呢類未補地價居屋，我的律師要係成交日幫本身業主去房署補埋地價。
但我想請問一下咁多位巴打，如果呢類比較煩的CASE會唔會影響銀行/MC批我的 按揭成數 或者 個批核時間會唔會長D ?
又或者呢類情況仲有無咩野要注意呢?
因為本身都係預做9成按，所以想了解一下，唔該曬咁多位巴打

建議你買私人樓好過
價格差異好少

市區三房唔係咁計嘅

我依家睇岩呢種居屋就400實尺
睇過隔離舊小小私樓(都係咁上下價位)，30年左右，先33x尺實用，仲要貴多二三十萬

貴買貴賣 到時仲要易啲出手

因為真係自住需要，應該最小住十年以上，所以都係想住大D舒服D

其餘我都唔識俾唔到comment
不過見解係 我寧願俾多啲上私樓
因為期數又長啲 又唔洗食啲居屋溢價

借錢唔會難左，都係當普通私樓咁做，
但要賣家用要求長d成交期搞手續 同埋 你要搵間有經驗嘅律師樓做，因為近期依類補地價成交case少左，有d新d嘅律師可能未做過唔熟。

唔影響批核時間
只影響你律師樓對數時間，但影響唔大，無野要擔心

都係交流討論下
居屋溢價即係?
btw上網 search過已補價居屋同私樓一樣都做到30年期，所以個期數應該都係用70-樓齡去計
私樓我都知好，但無父幹又想自己置業，有限budget下唯有放棄某D要求。
平台,會所,游泳池個D，邊個唔想呃

房署WFH做嘢慢
預三個月成交期

按揭年期會短啲

定3個月左右係咪都穩陣?
同埋搵律師樓的方法都係google下再睇下佢comment就OK?(定係用AA介紹個D)
唔該曬巴打

即係居屋唔值果個價但賣緊果個錢
成交又偏少 跌市又跌得快過人
除非地段好靚第日你想換樓都比較難放
你買就叫佢再減

3個月夠曬啦
無相熟律師樓就搵啲小型連鎖店囉
葉謝鄧、黃馮果類
通常連鎖店多啲銀行on list

借錢唔會難左，都係當普通私樓咁做，
但要賣家用要求長d成交期搞手續 同埋 你要搵間有經驗嘅律師樓做，因為近期依類補地價成交case少左，有d新d嘅律師可能未做過唔熟。

定3個月左右係咪都穩陣?
同埋搵律師樓的方法都係google下再睇下佢comment就OK?(定係用AA介紹個D)
唔該曬巴打

正常3個月係夠，
但唔知房署有無case 積壓左。

律師如另外一位巴打所言搵連鎖店都得。

其實識好多公務員都無停過返工

房署case 果度我覺得樂觀，首先拎到房署approval 係賣方責任，其次其實呢段時間一直都有呢啲補價成交做緊

收到巴打
其實係咪個流程係簽完臨時買賣合約後，個賣家要係成交日前（即3個月內）拎到房署approval，再同我個邊律師傾好文件個d，
最後我方律師係成交日買賣雙方簽曬名後就拎銀行借到的錢的部分拎去補地價？

其實賣方律師樓要比reasonable time 你律師樓process, say 成交前一星期要比到你律師樓

而你上律師樓簽名通常最遲都要係成交日前兩日簽，當然有啲special case 試過再急啲，但你一般case 律師樓唔會比你咁遲

款項果度應該係你律師樓成交日上午比賣方律師樓，賣方律師樓𠝹好曬數攪掂文件就會同日5點前比返你律師樓

大家交流下
本身我都睇中一個居屋單位，睇既時候AA 未有講未補價
到我帶埋屋企人再睇
AA 先話 業主未補地價既
但交易果日業主會收左我筆錢再同房署補地價再做埋手續
AA 聲稱話佢有經驗做
不過最後屋企人睇完覺得一般
最後都係買左另一間
手續上既野，應該都係業主果面跟
你照做你既野就ok
有唔明搵多幾個AA 解釋，或者買律師樓

唔駛理D叫你加少少買XYZ 的人，邊個唔知加多D錢可以住好D? 邊個唔知4房尺價平過3房，3房尺價平過2房，2房尺價平過1房？但俾唔起就係俾唔起。

居屋同私樓的差價從來都無formula ，現在私樓貴，自然會帶動居屋都升值。升得多定少真係無得一句概括，始終唔同地區唔同樓齡都唔同，你用大型屋苑私樓比定用單支私樓比，又唔同。但居屋私樓差價的百分比一直都係差不多，將來都會係差不多。如果全港私樓升一成，居屋都會係一成。

不用擔心買未補地價居屋。全港好多買賣的，我買過，仲賣埋。跟本同私樓一樣。

唔洗擔心，有3個月成交期就ok, 律師會攪所有野，按揭都同私樓一樣，我都買過已補居屋，價錢真係同附近私樓差唔多價錢(大家都港鐵站附近), 但私樓樓齡大12年，而且居屋無窗台，實用d, 管理費又平d, 所以最終買左已補居屋

巴打講起律師樓的銀行on list問題就順便問下
當簽完臨約後應該搵銀行先定律師先 ? (定還是都係同時搵?)

我講自己，十年前買未補居屋，要補
最大個risk 係簽晒合約好後先知補幾多
aa開初估話補50萬，但最後政府話補60萬
咁當然而家咁睇10萬好濕碎
但如果你而家以為補100萬，但最後多兩成，其實都好大件事

巴打帶出左一個問題
如果最後補多左，理論上係賣家定買家負責?
如果買家負責，但唔係一開頭睇樓講好個價係已補地價的價
補多補小應該都係賣方負責?