絲打入 肯唔肯同居住唐樓、村屋

如題 近排同條女傾起想搬出來同居
但又唔想比咁貴租私樓
所以想租唐樓or村屋
但條女唔撚肯話唐樓污糟村屋多蟲
佢仲話香港地無女人肯同居住呢d樓

所以想問下各位絲打願唔願意同男朋友搬出來住唐樓or村屋呢？


正皮-願意 平平地又可以一齊生活慢慢儲錢上樓幾好
負皮-唔制 樓主on9 同居唔住私樓不如咪撚住

同靚仔一齊住公屋都Ok
同樓主就一定要住私樓仲要800呎

意見調查姐

樓主係中大金城武

村屋幾好呀 除咗出入唔太方便

複式村屋三層連天台花園點睇，黑警陶龜都住緊類似喎

唐樓咁大好過住啲納米樓啦下話

下 突登搬去唐樓住
好舒服

唐樓村屋除咗出入唔邊便之外都幾好呀 靜靜地

你女朋友本身住緊咩樓

可能佢驚住唔慣？
始終唐樓上上落落咁靜都幾得人驚
利申:未住過 唔太了解居住環境

村屋好住呀

投票投到全部肯住又點

你條女唔鐘意就係唔鐘意架啦

其實真
愛你/ 你靚仔 住邊都得

吓好正喎好大間 利申夢想住村屋

其實住村屋都幾舒服

條女都講到明唔想住，又要用連登迫條女

唐樓有咩問題？
太子（聯合廣場對面）深水埗、長沙灣、佐敦大把唐樓
（有朋友成家大細住。屋企好正常（保養得好）又乾淨。地方算大。方便出入）
住過幾日。就算有d冇lift 要行上高層（5-6樓）。我都想繼續住落去

外面/樓梯污jo都好。屋企乾淨咪得囉
（但如果棟野有不同老闆去搵「不正當男女關係」⋯咁就真係唔會住）

利申：女

住緊村屋，好正又大

你肯幫手打掃咪肯囉
仲有出入村屋遠唔遠？夜左你係唔係會去接佢返屋企？

唐樓如果一梯兩伙果D幾好