當日拘捕被告朱德暉（35歲）的偵緝警員畢華康接受辯方盤問，指警方去年7月13日拘捕被告後，隨即押他往其租住的酒店搜查，期間包括警司陳少鳴、3名警長及畢在內的警務人員，「你哋隊人開咗人哋酒吧啲薯片、咖啡、嘢飲，自己係度食」，畢聞言一度偷笑，辯方遂指「唔好笑住呀」，畢及後否認。
辯方又謂警方當晚一行多人包括案件主管高級督察張俊朗在內，押解被告返元朗住所搜查，眾人一進屋內即如大爺般隨即開啟冷氣，並打開雪櫃拿取飲品解渴，又將被告家中薯片「開晒嚟食」。畢否認。
被告曾於警誡會面中承認曾用騙款購買一部Dyson風扇。辯方今再播放該光碟，發現警方在為被告完成錄影後未有熄機，將畢與其他警員間私下討論一併錄下，其間警員李宏達謂：「喂X大X鑊呀，又話Dyson風扇又話剩。」警方發現未有檢取該Dyson風扇作為證物，李遂指：「算啦，當唔X知去X咗邊。」畢則回應：「都係嗰啲，嗰日冇檢取返嚟。」
及後畢又表示未有就相關單據向被告查問，李遂建議：「你咪話唔關事囉...唉呢啲宣傳單張嚟嘅，搣X咗佢囉...」眾人一度竊笑，而畢則在此刻發現錄影機仍在運作，說：「咦點呀喂，咁耐嘅?」李謂：「未停喎?未停定係咩呀?」辯方指出，畢及後指示被告當提及Dyson風扇時，則要稱「爛咗、掉咗、唔見咗」，畢否認。聆訊明天繼續。
http://hkm.appledaily.com/detail.php?guid=56554490&category_guid=6996647&category=instant&issue=20170412
算喇 太多柒嘢 手攰 唔Mark 咁多
