整唔整牙套好?

門牙旁邊隻牙杜完牙根，原本無蛀牙
杜唔杜牙根好？
杜又要幾千

隻牙爆左就冇得救
種牙要>2萬
自己諗

即係整咗穩陣好多?

可以唔急整住，再諗諗先 但平時食野記住千其唔好用果隻牙太大力

利申：前牙杜牙根杜左幾年 因為牙變黑貪靚去整牙套 有d後悔 始終係真牙 磨左就一世

比樓主參考下：
整牙套後 隻牙食野個感覺會怪
牙肉會比較腫 有d變色咁 因為牙套同牙肉之間永遠都無可能完美貼合 變相牙肉邊緣你永遠清潔唔到 要依靠洗牙
就算整左牙套都唔可以食硬野

巴打整咩牙套?
諗住如果整就整全瓷,但係都幾貴

全瓷 前牙都係全瓷好d 睇落會自然d 同埋你預左就算用金屬，但其實你都唔敢用來咬咩硬野……

比較想知樓主話唔係因為蛀牙 係咩原因杜牙根？

格離個隻蛀,攪到呢隻d神經,2隻都要杜

睇左樓主舊po 慘
不過要諗清楚 磨左真牙就一世 再出咩事一定係植牙 真係唔敢諗