有濕疹其實好易有心理病

濕疹係會極度自卑
好似你依家咁既情況
因為唔想面對
當有人不論善意定惡意都好
你都會好抗拒
建議你樂觀少少
唔好覺得所有關心你既人都係落井下石
如果真係唔想同人面對或者傾談
不防直接同人講唔想討論濕疹
我都係過來人
中學生濕疹誇張都癡線
塊面、手腳關節爛晒，R到出血出水發炎都試過
其實佢地只係想同你建立關係
就以最表面你濕疹黎關心你

其實每個病
病人第一刻都會拒絕接受
然後逃避
正正就係你咁既情況

澳洲真係好神奇 我食海鮮都無問題 啲皮膚好靚 喺嗰度住嗰排先明白正常人係咪感受 返到香港打回原型

呢到上面都唔多係咁喎ching

好多都郁啲起晒鋼喎
不過可能係長期受困擾所以先唔好老脾嘅

我自己眼見好多小朋友起嘅濕疹係主要因為父母無形嘅壓力，而小朋友又唔可以/唔識反抗就會發，有方法畀佢地疏導情緒就會好啲
不過成年先發嘅話就可能牽涉好多原因

都係濕疹囉 其實濕疹好多人都有 只係嚴重唔嚴重嘅分別 我都係睇過好多醫生搽過好多野食過好多藥先至穩定返 我都唔敢話自己係好返曬 因為我到轉季同埋太乾嘅日子都仲會出濕疹 但唔算嚴重 少少紅 搽㕷山潤膚霜就無事

以前手臂同腳嘅關節位都有濕疹，手臂嚴重啲，成日訓訓下痕到醒咗
夏天出街唔敢著短袖，點都要搵件褸遮住佢
啲親戚成日對我噠嘢指指點點，會無啦啦捉住隻手嚟睇我噠濕疹，睇完就係咁話好核突，心諗核突就咪撚望，我都唔想咁樣
最記得就係兩年前左右咪有個女仔因為濕疹自殺，我老豆話我遲早係下一個
不過上年轉咗睇中醫，食完藥同搽完佢啲藥膏而家好返曬

開呢個Post係想呻吓
因為琴晚沖完涼出嚟又俾我老豆話:睇吓你 又r到紅哂
我係沖完涼出嚟 血液循環快 佢咪紅咗...
我未算好嚴重好嚴重 唔係心理壓力大到好犀利嗰種

貼方法俾其他人參考都可以
但有啲方法真係唔敢用上面
始終面嘅皮膚比較敏感

感謝大家分享咗好多
我要試都由排先試得哂

我好老實答你 睇中醫真係無用兼on9 中醫係偏向調理身體而唔係醫病 咁你搽完類固醇有冇好轉到 冇嘅話真係再睇下同醫生講話都冇效 睇佢有咩建議比你 而我估啦 你嘅情況多數係生活有致敏源但你又唔知係乜 可能係食物 可能係塵蟎 都可能係空氣差

但我係西醫睇到無用 轉中醫先控制到 中醫其實有用 但要搵到嗰啱你嘅同要耐性因為慢

個醫生係俾粉紅色丸仔俾我食 雖然都有俾藥膏
我係好嚴重頂唔順先會去睇醫生 所以都會食一兩日等佢好返啲 再自己埋尾

可以由睡眠/飲食入手
問下佢瞓得好唔好、最近食得點有無胃口
然後由得佢爆發覺得邊一樣野最 bother 佢
跟住個 flow 去問 d open end question
比機會佢講同表達件事係點樣影響佢

如果係負面情緒來襲，佢突然覺得自己好核突、諗到以後都係咁好絕望、唔想拍拖結婚生仔、甚至想死
可以表達你想理解佢 ( e.g. 咁樣真係好灰 )
問佢想唔想你陪佢/幫佢做某 d 野
比佢覺得你唔你得個講字無行動去支持佢

如果你同佢唔係太 close，sense 到佢講講下唔想講，就講下第 d 野 distract 下..

我自己就係皮膚敏感所以用
朋友係濕疹用 唔會斷尾 但佢無再紅同覺得痕先
應該都係紓緩到

自己既家人嫌棄自己感覺真係好難受..

唔該囇巴打

已經習慣個身永遠有個位痕緊

有聽過糯米唔好 但其實點解

只可以話每個人都唔同 但中醫真係要一段時間先見效 但西醫可以好快見效 但點都好 醫得返好就得

我以前都係好似你咁 r到損曬好嚴重先去睇醫生 跟住又係好翻少少就由佢自己埋口好返 但好返曬先知醫咩病都係一個療程黎 想完全好返就要跟足醫生個療程 唔好自己覺得好咗就唔去睇 要個醫生話你真係無曬事唔洗再睇先真係唔洗睇

你係睇普通診所 政府醫院 定皮膚專科

嗰隻好重類固醇啊特效藥嚟

普通診所

我呢排睇左個中醫 好得七七八八
樓主有無興趣