[2020DSE] 通識科討論區 (含溫書+答題策略tips)

一如以往
陪住大家考試
有問題希望我可以盡量解答大家


1️⃣ 以下5****級提示請仔細逐字咀嚼。（5**約350分，5*約330分，5約310分，本人391分）


2️⃣ 通識是考核速度的科目，卷一考核2小時，卷二1小時15分鐘，切忌怠慢，甫開卷請全速作答。卷一3題必答，約7-8道分題。卷二3題擇1，每題共2道分題。每年考試總有傻豬以為須回答所有題目，弱智之舉，請勿模仿。


3️⃣ 通識是考官腔的科目，所有答案不可太絕對太肯定。「必然」、「絕對」、「不會」的字眼應盡量避免。謹記世上無奇不有，就是沒有「一定」和「永遠」。


4️⃣ 通識是「拋書包」的科目。Marker評分依賴你的答卷上所運用的概念及論據，溫好書但不拋書包與沒有溫書無異。同樣，盲目吹水而概念論據出缺等同數學科僅寫答案不寫步驟，形同自取滅亡。


5️⃣ 如題目規限論點數目，以題目為依歸。近年較多8分題歸限兩個論點。如沒有規限，原則上1個論點作2分計算，此舉謹為保證作答內容廣闊度。通識科並非以分數加乘法計算，marker會以印象評分。因此不存在作答4個論點可保證高分的必勝策略。如遇單數分題，如7分題，先作答分別3個論點，然後作答下一題，完卷時如尚有時間，為求保險，再補上第4個論點。


6️⃣ 多角度思考是通識科鋼領，要取得高分，必須於段落開端展示此能力。結構必須嚴謹，總分總，先指出將於哪數個角度分析，再詳細論述，最後總結全文。


7️⃣ 近年題目的主題老生常談，義工、教育的主題可謂「熱門到冷門」。雖然出題未如早年般緊貼時事，但依然很大機會與熱門社會議題相關。


8️⃣ 論點必須於主題句清楚點出，答題忌用修辭技巧，每個論證過程必須緊扣題目*每個*部分。如題目為「香港」、「民主」、「化」、「可改善」、「生活素質」，則答題中每段五大字眼，缺一不可。


9️⃣ 不論卷一或卷二，論證絕不能馬虎，必須思前想後。同學習慣性的思維跳脫是奪星最大障礙（「綠化環境會令人身體健康」是最佳錯誤示範）。倒果為因、訴諸無知、訴諸多數、分割概念是最常犯的邏輯謬誤，必須加以防備。


🔟 絕對不可放棄所謂「較艱深」的單元，現代中國及全球化乃兵家必爭之地，放棄溫習等同自動奉獻兩個等級。


1️⃣1️⃣ 溫習策略：必須溫習各單元概念字 e.g. 生活素質 (Quality of Life)，包括每個概念下的分概念(Sub-Concept) e.g. 物質層面的生活素質 (Material Quality of Life)，同時所有單元一、五、六概念必須與單元二、三、四掛勾複習。


1️⃣2️⃣ 卷一考核概念運用，資料解說。考試期間，你的個人立場毫不重要，重要的是你能夠選取「考試立場」，並就該立場建構論點。答題時必須運用資料，三步推論，先以資料入題，再作引申至現實情況，然後再作論證回應題目。題b及題c必定有資料部分須加以引用，切記卷一考核重點是資料回應，外加個人補充，所有論點皆據自己所知實屬弄巧成拙。


1️⃣3️⃣ 卷二資料僅會作背景之效，無須刻意加以利用。大部分資料只會引導考生思考一至兩個論點，強烈建議先就題目自行擬稿，然後才參考資料。卷二例子是王道，每段最少兩個例子才能保星。


（以下題型提示務必悉數銘記，不明所以則請再三細閱，直至完全理解）

1️⃣4️⃣ 數據/趨勢/模式題，綜橫交錯，上下分明，數據引用，比較幅度。


1️⃣5️⃣ 漫畫題，由淺入深，影射含意，現象關聯。


1️⃣6️⃣ 地圖題，東西南北，城郊差異，二元對立法則。


1️⃣7️⃣ 某些題型如「多大程度同意題」須表明立場然後正反立論。某些題目則無此要求，如純粹影響題，故此必須小心審題。


1️⃣8️⃣ 如題目自身沒有暗示立場，必須兼論。如《什麼因素影響電子車的普及化》，答經濟誘因，必須同時*談及經濟誘因如何使電子車普及*，以及*缺乏經濟誘因會如何阻礙電子車普及*。


1️⃣9️⃣ 衝突類題目必須說明有所衝突的兩個概念/持份者/事件，然後點明矛盾。


2️⃣0️⃣ 主因題必須強調該因素構成主因與否的原因，如認同該為主因，須同時確立其他因素能導致該結果，以及其他因素相較之下並非主因之原因；如反對該為主因，則須舉出另一主因，然後與上述處理方法相同。


2️⃣1️⃣ 駁論必須從對方論點尋找漏洞，而非給予一個己方的新論點完事。同學可採取「正正正反駁」形式答題，或每段落皆包含同一角度的「正反駁」內容。唯評論題/評估題宜用後者結構。


2️⃣2️⃣ 資料是否互相支持的題型應從資料找尋其支持另一資料及矛盾的地方。考評局尤其喜愛設同時藏有雙方論點的資料，因此這類題目沒有既定立場，無須自我驚嚇。


2️⃣3️⃣面對嶄新題型處理方法簡單，先思題目詞意，再擬定答題框架，不必慌張。


2️⃣4️⃣ 4月26日晚上9時至11時會係Instagram平台(@awenglishls)Live，瞓唔著/仲有疑問可以入黎傾下，陪伴大家最後衝剌。同學可預先follow，IG會有通知。


2️⃣5️⃣ 相信自己，加油。

唉屌

咁多個都要加油

留名待考

Btw極度強力非常建議大家今年溫多少少
- 中國文化
- 科技（研）發展
- 家庭概念

冇溫過.. Predicted lv3

通識係即食科
依家溫主要概念（生活素質/可持續發展/社會問題）
再溫主要時事例子/議題
再睇下範文
兩日都夠你搏到多個grade

加油 唔好放氣

Hi可唔可以解釋下咩係比較重要性一直唔太明點prove佢最重要

即係比較題
可以由以下準則比較A/B
1. 有否替代方案
2. 是否逼切（唔處理會有不能承受的結果）
3. 社會需要（市民期望/覺法）
4. 可否逆轉
5. 能否根治問題
6. 時間性（短/中/長期效果）

每一方面都可以比較A>B /B>A

講真，一個支持一個反對點答
我地啊sir教一角度兩論點
但係咁會唔會比人當2個pt

12分題，用3個角度正反論證+比較
1版寫1個角度夠唔夠上最高層級
定係要4個
雖然p2唔難攞13-14分
但係都想攞得一分得一分

趨勢題係咪送分 除咗quote到啲數字上升下降攞咗兩分外其他edlab分未試過攞足

今年有無答案參考，通識英文

Thanks!

依個係一個取巧方法
一段一個論點拆兩個分論點係可以的
但兩個分論點必須緊密相關

3個要寫得好詳盡 會可以拎到5**
但一般而言學生都好難寫到好詳盡
建議如果仲諗到point開多段比較理想

扣題（冇解錯）有框架
有概念 有少量例子
就輕鬆13/14分

事實上都冇乜點再出純粹既趨勢題
（得兩年數據問你點變化唔計趨勢題）

趨勢題
第一段要先宏觀答升左定跌左

第二段微觀咁睇，基本要
（一）引用最早同最遲既數據，
（二）寫上升/下降既幅度/程度「急速/大幅/緩慢/穩定」
（三）計算百分比/倍數
做完以上要再搵特別數據（突兀既數據）
Eg明明一直跌緊
中間突然升左唔少
#千祈唔好quote哂所有年份數據（畫蛇添足）

最後一段總結個趨勢
如果冇問成因後果都要簡單一句起兩句止講番possible既成因/後果
有問就當然詳寫

今年極忙 唔知出唔出到
出到盡量出

一貫做法都係會加密放上網
等同學唔會唔覺意睇到
IG Dm拎密碼上網站download

不過都係果句
考評局改卷accept既答案必然比我寫既答題方向多
尤其通識科
所以睇完同我一樣當加強信比
唔同當我冇寫但考評局接納
繼續努力考就得

留個正評比樓主
加油考生

想問下，例子引用系prefer解釋例子的過程，定解釋例子造成的影響？定睇問題做人？thx

唔知有咩概念好溫既話可以去
https://awenglishls.wixsite.com/awenglishls/free-resources

入面有一份叫「通識Glossary」既教育局文件
詳列中英文概念詞
你就知自己有咩漏同有咩溫了

睇題目重心，同埋睇你個例子回應緊題目邊個部份

例如題目問「香港邁向智慧城市有效提升生活素質，你同意嗎」
你比左「路旁停車位實時空置資訊」做例子
個目的係要論述幾咁有效
就只需要一兩句解釋係咩黎，再詳寫點影響生活素質

如果題目問「智慧城市如何對生活素質帶來影響」
同樣比「路旁停車位實時空置資訊」做例子
個重心會變左要解釋多D點解依個例子係智慧城市既一部分
你個例子相對上就要詳細少少寫點運作，然後先詳寫點影響