本身都好糾結係清晰定養和做。
因為大部份朋友都係清晰做。
但始終相信醫院有保障啲，所以決定係養和做。
冇指定醫生，張x明醫生 $22000
做左三個幾鐘檢查⋯⋯⋯
因為工作背景關係，醫生覺得我做smile
會適合啲。一開頭我都以為佢會推我去做lasik。
佢有問我想做邊一樣多啲。
咁有得俾我揀，梗係揀個傷口細啲。
～
手術嗰日，Total有7個人做（4個lasik3個smile）。
醫生都有Double check+係眼角膜度畫記號。
然後就入手術室⋯⋯⋯但一見到有六個姑娘就開始有啲驚
然後姑娘滴最後一次麻醉藥（前後滴咗四次）就準備做手術。
醫生都會不斷提醒依家開始唔好郁，望實個綠光
左眼望咗大概10秒到，綠光慢慢冇咗。
然後我就開始感覺到佢係我既眼上面介左一下咁⋯⋯⋯⋯
完成之後佢問我有冇感覺 我就答佢 好似冇⋯
佢就再問多我一次我叫咩名
然後就做埋右眼，都係做同樣嘅動作。
手術係成功嘅，但之後第二日覆診見到右眼有一達紅色。
就問醫生係咪發炎？醫生話琴日右眼郁得比較犀利
所以佢用左力夾住咗隻眼，所以搞到有瘀血。
Ummm..嗰刻我以為我冇郁....
其實做完果一刻都已經有六七成嘅視力
第二日覆診兩隻眼都係零度近視 但有少少遠視加散光
（因為本身散光比較深）
一個禮拜之後 左右眼望嘢都係清嘅 但夜晚都係爭啲。
不過瘀血未散，三個星期之後再覆診。
