其實連登會員口中嘅「左膠」，全部都係右翼

簡單講下左右翼嘅基本分別︰
1. 經濟上
左翼唔相信市場經濟自由市場；
右翼就信奉市場經濟自由市場，所以佢地好支持資本主義

2. 政治上
左翼支持民主、自由、開放；
右翼就傾向保守，甚至威權/極權。即使佢地當中部份都會支持民主自由開放，但只係資產階級式民主，即係牽涉到自己嘅野就會要民主自由開放，唔牽涉到自己就話之佢威權/極權。

我見好多連登會員，特別活躍時事台嗰班，好多時見到有人發表同自己相反嘅意見，就一句鬧人地「左膠」，但其實佢地連咩係左翼同右翼都未分得清楚。

例如連登仔見到有國家領袖支持中國/中共，就會屌人地「左膠」。但中國自從改革開放，行「中國特色嘅社會主義」，到而家已經係國家資本主義；而政治上中共一黨專政集權統治，打壓異見聲音，已經睇到中共本身係右翼，而中共治下嘅中國係一個右翼國家(但又唔代表所有中國人係右翼)。

所以，一個無視中共治下嘅中國打壓異見聲音，而支持中國嘅領袖，亦都係右翼，因為真左翼係唔會支持行威權同國家資本主義嘅中共/中國。同埋，即使一個人曾經係左翼，但只要佢支持威權/極權，對打壓異見視若無睹，支持資本主義自由市場，已經無資格叫自己左翼。

所以連登仔口中嘅「左膠」，應該要改口叫做「右膠」。

2. 政治上
左翼支持民主、自由、開放；
右翼就傾向保守，甚至威權/極權。

你好似搞錯咗喎，個光譜唔係咁。

政治上，要細分：

1. 文化上：
左：改變
右：保守
極左：爲變而變
極右：倒退，復古

2. 社會責任上：
左：係羣體令到個人有問題（e.g. 家庭背景導致個人犯罪）
右：個人要承擔個人行爲嘅責任
極左：你係咩標籤，咩羣體，就係咩階級（e.g. 鬥地主）
極右：個人意志可以凌駕於比你低下嘅意志（e.g. 屠殺）

3. 解釋社會現象：
左：係後天建構出嚟
右：係先天嘅特質導致
極左：係各種社會階級互鬥所致
極右：係先天人種互鬥所致

4. 執法：
左：少處罰，多引導
右：少引導，多處罰
極左：虐待致死
極右：虐待致死

5. 邊疆：
左：少移民管制，甚至旅客都可以享用福利
右：多移民限制，本土優先
極左：取消國際邊疆，全球主義
極右：極度鮮明嘅邊疆，非我族者要驅逐

而政治上中共一黨專政集權統治，打壓異見聲音，已經睇到中共本身係右翼

呢個又係，中國而家奉行嘅只不過係 列寧主義 之下嘅 先鋒主義：
一班政治先鋒（其實係中產出身）帶動低下階層搞共產革命（因爲低下階層蠢，唔識得自己去革命）。

而因爲共產主義最後係要冇哂國家邊疆，冇哂階級之間嘅區別，所以而家仲係「革命仍未成功，同志仍需努力」，亦都因爲咁，個「先鋒」（共產黨）要繼續存在。

呢個係徹徹底底嘅極左翼思想，唔係你話嘅咩「右翼」嘢。

你講呢D方面其實已經唔算係政治方面，係講緊社會方面、法律方面、移民管制方面等等。

至於你下面講極左會係執法上會虐待犯罪者致死，社會責任上「咩標籤，咩羣體，就係咩階級」，其實都係極右嘅表現。當年中共攪嘅文革其實只係打住左翼嘅旗號，實質極右嘅一場清洗運動。

呢D方面其實已經唔算係政治方面，係講緊社會方面、法律方面、移民管制方面

>社會/法律/移民is not政治

而家中國邊忽向住共產主義方向發展？係行真共產的話，就應所有官員、有錢人拎哂自己財富出黎，同窮人均分。

根本係向住國家/群帶資本主義發展，類似新加坡嗰種，由國家控制住資本，無人可以有錢過國家。

呢D已經係不折不扣嘅極右思想。

你係咪話緊 列寧 其實唔係極左
定係你係嗰啲「真正嘅共產主義其實人類未嘗試過」嘅人

左翼支持民主、自由、開放；

樓主搞唔清民主同共和,極權同個人權利仲有面學人講左右

的確人類史上真係未實行過真正共產主義

其實列寧同史太林個d，係我眼中都係好右翼，其至極右

不如講下你有咩高見，同埋我點樣搞唔清楚?

其實列寧同史太林個d，係我眼中都係好右翼，甚至極右

列寧、史太林、毛澤東、波爾布特口講話行共產主義，唔代表佢地實際做出黎嘅言行係共產主義。

收皮啦智障五毛狗

又嘥一個帳啦