簡單講下左右翼嘅基本分別︰
1. 經濟上
左翼唔相信市場經濟自由市場;
右翼就信奉市場經濟自由市場,所以佢地好支持資本主義
2. 政治上
左翼支持民主、自由、開放;
右翼就傾向保守,甚至威權/極權。即使佢地當中部份都會支持民主自由開放,但只係資產階級式民主,即係牽涉到自己嘅野就會要民主自由開放,唔牽涉到自己就話之佢威權/極權。
我見好多連登會員,特別活躍時事台嗰班,好多時見到有人發表同自己相反嘅意見,就一句鬧人地「左膠」,但其實佢地連咩係左翼同右翼都未分得清楚。
例如連登仔見到有國家領袖支持中國/中共,就會屌人地「左膠」。但中國自從改革開放,行「中國特色嘅社會主義」,到而家已經係國家資本主義;而政治上中共一黨專政集權統治,打壓異見聲音,已經睇到中共本身係右翼,而中共治下嘅中國係一個右翼國家(但又唔代表所有中國人係右翼)。
所以,一個無視中共治下嘅中國打壓異見聲音,而支持中國嘅領袖,亦都係右翼,因為真左翼係唔會支持行威權同國家資本主義嘅中共/中國。同埋,即使一個人曾經係左翼,但只要佢支持威權/極權,對打壓異見視若無睹,支持資本主義自由市場,已經無資格叫自己左翼。
所以連登仔口中嘅「左膠」,應該要改口叫做「右膠」。