到底大學生應唔應該翻part time賺錢草錢？

自己考完DSE嗰下就開始翻part time，
入大學之後就reg哂下晏堂，朝早翻工下晏上堂，上完5點再幫2個學生私補，每日嘅生活就好似朝9晚6一樣。

跟住由停課開始，補習學生需求大咗，又有唔同家長揾我幫佢地小朋友補習，去到依家有8個學生，每日起碼要連住補3個。

嚟緊暑假唔洗翻學，已經諗住去翻part time。
有時聽到自己啲fd日日冇野做，喺hall玩，拍拖等等，但又冇翻工冇草錢習慣，日日處於糧尾狀態借grant loan等等。跟住佢地就會好奇怪我點解可以草到錢啊嗰啲，點解唔拎啲時間去拍拖，同朋友出街食飯等等，以後大把苦等自己捱等等。

但其實自己唔係咩拜金女，又唔會拎錢買名牌野，買過最貴嘅野畀自己應該係DW錶我純粹覺得大個女18歲唔應該再問屋企人畀錢自己洗，自己都係時候要有啲經濟能力草下錢等大個女可以冇咁辛苦，又可以減輕另一半負擔咁。

雖然有人話大學生正職應該係讀書追first hon, 翻工應該係副業，畀自己有啲零用錢洗就夠，但我自己覺得大學生應該要開始熟習將來社會生活模式，翻下part time草下錢咁唔知大家又點睇？

前提唔可以犧牲成績

當年都差唔多每日放學都私補，又住hall日日玩
2nd low 畢業，而家咪又係好地地

好女仔，我中學暑期工已經買iphone9(嗰陣仲係5,6K一部)

絕對要返pt，多個錢去買自己鍾意的野又好，儲下經驗又好，待人接物都好過剩係返學放學鳩fingfing
不過父幹撚或者好積極參加學校唔同活動另計

借grant loan都可以唔洗問父母拎錢㗎 唔想用盡都可以儲起 畢業之後如果冇空檔期還錢都唔會好大壓力
同埋大學四年返pt嘅錢可能返正職幾個月已經追得上 何必咁辛苦逼啲時間出黎搵少少錢 不如趁求學階段有時間去接觸多啲嘢

呢個一定嘅，目前份份asm都早交，而讀嘅科又handle到

iphone9前幾日先出喳喎

打多咗個9，想打(

不過樓主講話要熟習將來社會生活模式不如試下揾返啱你major的pt，當然你話之後返intern都可以感受下，不過剩係做私補pt就揾錢成份多過熟習社會

但係都要留返d時間比自己做鍾意的野，year 1 2 我好努力打工3日返學4日，完全冇自己時間大壓力又爛gpa

Year 3 4 揾到一份剩係返1日的文職pt，返3日學，多左時間去玩又好温書又好，心情輕鬆好多

嗰陣翻咗3個月工，草咗啲錢就決定買嚟獎勵自己

最好星期六返多三四個鐘餐廳識下仔

過來人經驗
返工草錢係重要
不過趁住年輕該洗就要洗
多D去吓旅行，去exchange
洗錢唔係問題，但要洗得有意義
我畢業前草左10幾萬
如果有得揀重黎，我會多D去唔同地方探索吓個世界

堂照上工照返
賺返啲零用錢同時儲下經驗
見到身邊個個都一份intern接一份 就唔敢唔返了 好驚grad咗先發現比人輸蝕

可能係我啱啱入大學，未習慣呢種有day off ，冇咩workload嘅日子，可能過多2年我就唔會咁諗

呢個真！人生第一份工都學識咗好多野因為份工待人接物好重要，又要睇啲家長臉色，又要做行政野，所以都好慶幸番咗呢份工。
不過係咪真係人愈大，想要嘅野愈多？

接觸多啲野指嘅係咩？去下旅行見識下/增潤自己等等？

絲打好勁
睇黎好少走堂

走開堂，又唔計attendance

因小失大