淺淡紙言作品

本地網絡小說喺係《那夜凌晨》之後大興
恐怖一度係主流
多數跟返那夜凌晨寫法
即係日常情景入面有突兀、恐怖事件發生
Eg戲院殺人、學校變密閉空間
大部分追求劇情上嘅奇詭
無做好謀篇佈局
最後無辦法自圓其說/講法牽強（爛尾）

我喺那夜凌晨嘅恐怖時代追咗一排
好快睇厭呢種寫法
慢慢就無追故

今日心血來潮開返紙言
見到作品主題開始多元化
都市、奇幻、校園、愛情都有
但粗略睇過
大多數連文筆通順都做唔到

我支持廣東話創作
但理想嘅廣東話創作應該係
一：行文書面語，對話用廣東話
二：對話同行文都用廣東話
但大部分作品都係行文半書面語半廣東話
讀落去好唔自然

甜故一直長青
但無乜驚喜
部分仲向住成人小說方向發展
雖然廿一世紀睇pornhub乜乜物物好正常
但如果唔係想創作發洩慾望嘅產品
情色主題
最好都係情、色並重

如果有人討論
會再講下

唔識討論得太文學
路過留名
好多年冇睇故了
以前多數睇愛情同甜故
第一個故係有一晚一個來電
後尾係紙言見到既故都愈黎愈唔好睇同好多尻作既文所以冇興趣睇落去

好多故事無自圓其說 搞到好似爛尾咁

Hi我自己好鐘意上紙言睇故
呢排武漢肺炎冇嘢做
所以自己都開始寫故
但冇乜人睇
希望有人可以比個留言等自己知道有咩進步空間

你講既問題我諗好多人想討論
但係你開錯台
你應該去講故台
會有多D人想討論

無限輪迴曾經好多人寫 好好睇

歐子采啲文幾有趣
文學冇乜不過自己整到成個世界觀出嚟幾好追

可以比條link我

佢係咩人
我紙言、google、fb都搵唔到佢

歐子爭* typo sorry

食野唔走青

https://www.shikoto.com/articles/76232.html

點睇

我睇咗三章
都幾驚喜

雖然一開始主角自述入得有d急
但後來人物刻劃非常優秀
主角偷睇女主搭車、老板比主角賒數
都好成功咁呈現主角心理同時代風氣
加上隱含溫情嘅家庭問題
三篇以內
格局齊備

稍見不足嘅係家庭人物上
多數以作者內心自白呈現
所以父母性格欠缺說服力
都可能只係小說前段未寫及

穿越彌補過去遺憾
係正路寫法
但難以出格
所以功夫就喺人物恩怨感情上

我估你嘅主線應該係愛情
但全篇最有發揮嘅點
其實係主角爸爸
因為採用時空主題
爸爸將來嘅死亡
同依家佢同作者嘅相處之間
有極大嘅張力
唔理爸爸最後有無死
兩個人感情嘅變化糾紛
會得到好大嘅注目
用心營運好
可以令整部小說升格

如果呢個係你本來嘅計劃
咁就好好加油吧

好多謝你有睇同比咁多評價我 我會比心機繼續寫落去

我睇咗幾章《混沌虛無》
睇得出佢世界觀宏大
但我覺得缺乏氛圍感
即係我唔會覺得自己好似完全融入咗另一個世界咁

講咗好多年紙言、講故台啲小說大部份垃鳩圾，千篇一律文筆又差，大陸啲網路小說都比唔過，識一個MK朋友好鍾意睇講故台啲文，都唔知諗乜

應該咁講啦，香港人嘅文學水平本身就唔高，頂多識金庸古龍呢啲爽文之流，斷估九成人都冇睇過原作