成日講分手，真係會好攰......

發現唔少情侶當一鬧交就好鍾意講分手
但其實又唔係真係想分，只係想對方對自己更加緊張同上心
可惜好多時結果會變成大家累鬥累，真係好攰......
你地有無類似經驗可以分享下?

對於任何感情問題，一律建議分手處理

唔中意人郁d講分手

明呀 成日都聽 一開頭聽到灰左 依加已經聽到冇哂感覺

執完最後一劑好走喇，唔好阻人發達

因為好hurt?

巴打你有咩經歷?

講得多自然會習慣 到時分左都已經冇感覺

最近大家相處得唔係咁好 成日都嘈 嘈多兩嘈佢就會講分手 開頭都會氹既 始終都仲係愛既 不過大家可能對個件事個睇法有啲唔同姐 但係一日聽幾次 點氹落去？所以依加都聽到冇咩感覺

分手真係唔應該隨便講出口，
如果唔係真係想分而講好容易變情緒勒索⋯

如果要出到威迫對方先會有改變，
其實關係入面都幾難有安全感
與其互相咁辛苦，不如搞清楚點解大家咁無安全感先

我都係咁覺得 已經習慣左

以前EX唔好老脾就講分手
一方面講到好難聽, 一方面覺得灰

有時佢唔好老脾我又未必係, 所以好快就捉實返佢
有時大家唔好老脾佢講完分手真係會冷戰幾日

聽聽下就慣左, 覺得總有1日真係會分手
到真係分開果日其實都唔會太傷感, 因為聽左太多次

然後EX亦都講過, 其實佢唔係真係想分手
只係想你捉緊佢, 哄下佢
但你既任性其實傷害到人你又知唔知

多數都係晦氣說話，但傷感情
好無意義

情緒勒索
早分早享受
對方係無藥可救 唔好諗住自己係聖人可以改到佢

所以講分講到變咗ex
唔想分就咪撚講分手啦
一開始講撚咗一咁講就即分
佢都同意亂咁講分手既人好衰
到頭來佢自己就係呢啲人
我就衰心軟比佢當寵物咁撚 控制

根本呢兩個字平時點嬲點鬧交都唔應該講
以前ex成日郁啲講分手 前幾次會好Hurt
喊過幾次就唔會再有感覺
我都同佢講過 當我講得呢兩個字 段關係就一定冇彎轉

合則來，不合則去！ 唔happy咪分囉，諗咁多做乜！ 分手次數多與少係一件事，而你比我感受到同你拍拖永遠都辛苦過單身嗰時我先頂唔順要分手，呢個係屬於一件事. 我點可以因應分手頻率同數量，去排除分手呢個決定？簡單啲講，有需要就分架啦！

分手呢d野唔係亂講出口 ... 以為講分手就可以令對方著緊d實在太天真

我同ex既情況就雖然離離合合左好多次
keep左幾年, 最後一次復合返其實大家都諗住可以一世
到最後分手個原因係我屋企人到

一般都係男女其中一方引生咗啲問題：
引生問題嘅一方如果願意正視問題，負諸行動去作出改變，解決問題，另一方就感覺到誠意，再基於對方願意承擔責任，願意接受對方，比機會對方改善.
假如引生問題嘅一方乜柒都唔做就當冇事發生，同時要求另一方都當冇嘢發生繼續拍拖，無論最後邊一方提出，"分手"都係遲早嘅事

事不過三

屋企人咩原因？