求救 貓貓生癬點算好

是咁的 我屋企隻貓bb兩三個月大 發現佢眼角附近生左癬 去睇左獸醫 只開左啲藥膏搽 但搽完又見佢係咁R 買左燈罩俾佢 但一戴燈罩就無曬精神謝曬雞咁 我驚佢唔飲水唔食野會出事 屋企濕度大約係60-70% 洗唔洗開抽濕機？仲有呢係咪要整走癬附近啲毛？但我驚用較剪會整親佢 用鬍泡會唔會好啲？ 我有爬過下post有巴絲打話搽神仙水 有啲話效過唔錯 有啲就冇乜幫助 有冇多啲資訊關於神仙水（幼貓啱唔啱搽？）

開抽濕機，間屋多d清潔消毒
生癬個位剃左d毛佢先
食藥好過搽藥

用咩剃？屋企得鬍泡

咩貓？
我隻貓4-5個月大個鼻都生過、
去左紅磡寵心睇，開左藥水比貓貓食，唔洗帶頭套；
覆左次診好翻無事，到依加八九個月大無翻發
建議唔好比佢入廚房到洗手間、居企乾淨少少，
我就長開抽濕機嘅

寵物店有

睇左醫生先，因為唔知咩類型既癬

我個隻細個生過金錢癬，可以由貓傳人
開頭係佢個鼻開始生，到一個月後屋企人開始生癬，帶去睇獸醫先知係金錢癬，好多貓bb都有
當時又剃毛，又用藥幫佢沖涼，仲放左係寵物美容店到隔離左成個星期
之後帶喇叭都帶左半個月，開頭見佢真係好唔開心冇晒心機每日偷少少時間拆一陣俾佢活動下，佢一lam就戴返喇叭

前後都搞左4，5個月，依家咩事都冇了

抽濕機真係長開。食藥，搽神仙水或泡泡靈。有需要沖埋3條毛。需要時間，唔係幾日可以完全好返，比耐性啦

有冇圖?

錯post
唔駛圖 樓主貓貓加油

我隻貓都係 同你一樣2-3個月 一開始係左耳角位 之後到眼角位 嘴角位 同埋個肚都有一個圈 搽咗啲抗真菌藥膏一個星期 照紫外光燈啲菌都去得7788 但係仲未生返啲毛出嚟 上網話神仙水係冇抗真菌功效

其實生癬好易搞，唔算咩大病

1.全屋清潔一次，包括床被鋪枕頭套，梳化地下例排唔洗講，玩具都要清下

2.買有消毒功能嘅藥水，早晚都用棉花球搽，擦走黑色皮癬，搽完用乾棉花球印一印，保持乾爽，大概一個月會清曬，會生返曬毛
eg藥房買紅色消毒藥水Unisept（要溝淡稀釋）、或者貓用神仙水

3.大範圍嘅貓癬，要藥用沖涼液3-4日幫佢沖涼，沖完涼要完全吹乾，大約傷口好轉就唔洗咁密。

嚴重嘅要去睇醫生，口服藥

最後，最緊要保持貓嘅免疫力！飲食係最重要！！你要多啲留意同檢討比緊咩糧佢食！

癬傳人方面，保持個人衛生，仲有你自身都要保持免疫力，多啲洗手清潔

我隻貓有食竉物魚油，其實魚油都有消炎效果，增強抵抗力，不過唔係藥，係日常保健咁解。

好詳細 唔該曬ching

多謝咁多位巴絲打解答

有咩魚油品牌推介?
同埋佢地肯食?
之前買過一堆保健品佢都唔肯食

溝埋肉泥？
我主子溝左之後咩藥都食，好蠢

我係iherb買 Nordic 我覺得幾好

我都係啊 lysine 同益生菌每朝第一餐撈曬落濕糧，初初輕手啲，有時魚油太腥佢地聞到會唔食，少少咁落，試下先

食咗一排，毛色同皮膚真係靚咗。

買泡泡靈啊
好有用架！

今日去複診 醫生話2,3個月貓BB最好唔好查野 話啲毛好難生番出嚟 同埋佢身體入邊啲菌去唔到 因為仲未夠白血球 所以開咗隻藥水 Itraconazole 好似貓仔都食得 可以去參考吓

想問巴打紫外光燈係自己買返黎照？定係獸醫診所到照？

自己買 唔好買十幾蚊果隻三合一電筒 買驗鈔嗰啲紫外光燈

唔該巴打