有無人做過ViuTV 既 PA?

好奇問，如果想拍劇寫故係咪照in?

主要係整親
試咗無壞 但最近應該唔太請人

寫野應該in writer
但viu啲劇多數係外判 公司自己主要做綜藝多

我份CV好普通 是咪會直接skip左我

唔關事 當然有相關經驗會加分 不過以我所知 依排真係唔多請人 唔係一定無 但唔多

整親邊度
我sd咗cv都係講自己而家份工嘅野，但有講識影相，會唔會話識咩技能會有優勢

讀過相關design
識小小剪片
但無經驗
請唔請

識影相唔同pa 雖然有時pa都要自己揸下機 但主要都係剪片或者前期準備 識剪片都幾加分

應該有機 但都係個句 依家請人機會未必高 不過可以一試

I see，你當初剪片係讀書學定點?

想知其他位係點入
都係viutv請定出面搵公司做?
但又好似無見過viutv出話請咁
收音混音燈光攝影個d

其實我唔識剪片但因為我係出面做過一段時間所以請掛

個啲有in-house 都有外面freelance
無記錯應該freelance多啲

想問下PA未來條路可以點行 除左樓上話升導演之外仲可以做乜？ 對live有d興趣（有得禁panel個啲位）
好似做呢行都會乞食咁

入行無所謂
反正做做下就會知自己鍾唔鍾意
有啲人做下又話走
走左幾年都仲係到
無心做會好似日日落地獄
同埋唔好當打份full time咁
搵到自己目標就好走人

會挨夜 要瞓公司 做打雜 人人都可以屌你 出外景日曬雨淋辛苦 忙起上嚟斷六親 人工低 晉升機會少
係幾好玩 學到野識到人
fg入去體驗會幾好 長做身體頂唔住
係木人行生存到一年仲對production有興趣先再考慮轉行

即係你之前都係做pa?你點入行

真心咪撚做呢啲垃圾工
唔好聽人講話由PA捱 有成功例子 但失敗嘅佔多數
講到尾睇人
所以無謂係呢啲工嘥時間
增值下自己仲好 呢啲工真係壓榨你就有份 但要你消失就隨時消失 你消失咗都唔會有人知

panel個啲係導演 電視台pa唔做導演咪做aa 姐係統籌 出面既pa屬於製片組 一路升上去可能會做到監制

我都係人地介紹
電視台pa其實算係出面既導演組 但咩都要做 綜藝既要剪埋片 出面叫pa既其實係製片組 做既野都大分別

咁好嘅，你本身對呢行有冇興趣?
如果就係想之後做導演咁係咪由電視台pa做起，唔識人除咗sd cv都唔知可以做咩

其實個陣真係連pa係咩都唔知 現實講句 真係識人好過識字
電視台最最最快都3 4年先升junior導演 人工低就一定 仲要做導演其實都唔係好好多 都係無乜尊嚴 聽監制點（當然有啲監制係幾好）出面做導演會好啲 真係會有人聽你講 你真係一個正式導演 不過其實好多人寧願做first(第一副導演)都唔做導演 好簡單 因為多啲工開
對自己有信心咪參加下啲比賽 鮮浪潮個啲都唔係唔得架

冇錯，我就係諗pa係俾對呢行冇咩認識嘅人，好似我咁，一個起步點，可以由低做起接觸下production 。我做而家呢行有啲頹，所以想轉做自己有興趣嘅行業。

出面做導演嘅意思係拍廣告個啲？參加鮮浪潮呢啲我未夠班著

research writer 寫咩居多? 除咗寫野，仲要做d咩咖?