見清明啲人燒嘢俾祖先燒到錯鳩晒，想知點速遞嘅同我入泥！

4月頭清明，見人拜山燒嘢俾先人，燒到錯鳩晒！

同佢哋三唔識七又唔好意搭嘴扮嘢教人，搞到谷住度心火出唔到，個火猛過化寶爐啲火，都係出個post出出火先！！

希望大家！今年重陽！搞返清楚！如果唔係！棧白燒！浪費青春時間金錢體力心機孝心紙紮紙材！！

浪費之餘，仲要激嬲祖先，報夢話你聽佢冇衫著冇錢洗冇嘢食冇屋住冇狗撚冇丫鬟用，咁你話C唔C！？

得罪講句，燒野呢個習俗，係d道士紮紙搵錢
諗出黎既生意，同情人節買花送朱古力一樣。


拜山呢d門面野都係個儀式黎， 正正常常祖先死無耐都應該一早投左胎，佢仲點收野。

如果先人仲收到野，即係佢仲係地府未投胎。
但落得地府即係罪孽重要受罪唔比投胎，難道個天又比佢係咁收屋仔車仔妹仔又收iphone max pro 係下面歎世界？ 個邏輯好似唔多通， 搵人解解。

其實，燒野掃墓主要目的係比成個家族團聚機會， 真係得拜山先叫人齊d, 而家新年好多時都己經唔齊人。另外都係心理補償， 燒番d野彌補先人在世果陣無好好關心佢， 所以我寧願在世既人趁拜山果陣多d關心好耐冇見既長輩親戚更實在。

中學唔記得邊篇文章就係講中國習俗形式化。

既然係形式，其實你點做都唔緊要， 你係有孝心， 你日日去拜山燒野又有咩所謂。 但你話做錯儀式燒錯野去屌人哂心機冇孝心，真係得啖笑，完全就係末未倒置左。

利申：死後世界真係唔熟，咩中陰身投胎果d
識既人係度講少少thanks

留名學野.即係要點燒

首先，你燒嘅嘢要寫收件地址同收件人，另外下款發件人=你自己個名。

咁無理由逐張金銀寫嘅，所以最好係入好一包包落附薦袋(紙紮鋪有，幾蚊個)，然後先攞去燒。啲資料寫係袋面。

收件地址：
寫籍貫，越詳細越好，邊個省邊個縣邊個市邊個鎮邊條村。。

你要知道，你祖先並唔係遊魂野鬼，唔可以你燒嗰陣飛過來面交，當面收貨，要靠「速遞員」幫你送貨。唔寫地址嘅話，「速遞員」得個先人名，咁鬼多人一樣名，點知送俾邊個？

個籍貫寫係個袋中間個白色/黃色空格嘅右上角。


收件人：（啲個通常大家都會寫）
你對上已經走咗嘅先人嘅明，寫係個袋中間個白色/黃色空格中間位。例：先祖父XXX


發件人：個袋有個位寫住「陽居人」，寫自己名喺「陽居人」下面。或者寫係個袋中間個白色/黃色空格左下方（寫埋陽居人啲三隻字）。

寫自己名話俾先人聽係你燒嘅，佢哋幫你都幫你先，唔開心都搞你家姐細佬先

唔係噉噉講
係強大嘅文化心理控制
正確，有公用嘅儀式可以強化制約

要問啊姑拎幾張郵票貼係袋角

投左胎仲點收？

即係根本唔關係先人收唔收到野表唔表現到孝心事， 只係想人民重孝道再尊君

講咁大篇野然後句利申

買口罩都要排隊啦，投胎唔係話投就投，要等（但我都唔知條數點計，唔知換算陽間時間要等幾耐。應該係有積福嘅善人有優先），亦都有情況可以迴避推遲。

強化文化系統
強化家族縱向關係
心理治療 自我滿足
儀式不撚嬲都係噉

帶定頭盔姐
正常過一段時間點都去左投胎
個時間好似仲要唔長

我己經唔屌燒野對溫室效應既影響
d紙紮又有膠又上哂色燒出黎全部有毒氣體

如果自己感覺唔好，唔寫都係完全冇問題。

有啲人直程唔寫下款
各家各派做法唔同

得罪講句，燒野呢個習俗，係d道士紮紙搵錢
諗出黎既生意，同情人節買花送朱古力一樣。

啲樣我咁睇。

1。人(鬼)有我有，人哋祖先有人燒俾佢，自己啲後代唔燒，冇面呀，隔離鄰舍啲c9鬼會細細聲講你笑你。

2。燒嘅嘢係死咗嘅人嘅一啲執著執念，可能俾咗佢係無實際價值。但我地陽人咪一樣？

3。我地啲貨幣，就算係金，都冇實際價值，但可以用來交換一啲實際嘅嘢。下面情況都一樣。

家陣啲學術又尤其是大學教中國文化同佛道果啲

只係嘗試用家庭、社會、國家層面去解釋點解古人係咁做

但就忽略左去研究背後每樣做法既道理

變左社會科學咁去解釋事物，點會work

非道教文化地區啲亡者咪好慘冇人燒野俾佢哋

佢哋冇啲方面嘅執著執念，所以冇人燒都唔會令佢哋產生怨念，所以唔燒都OK

即係紙紮品並非亡者嘅必需品

燒野唔係必需品，但係係解除怨念最簡單既方法

而且人人做到，唔洗經過修煉
何樂而不為

「佢哋冇呢方面嘅執着執念，所以冇人燒都唔會令佢哋產生怨念，所以唔笑都OK」
樓主如是說

跟足規矩燒, 先人真係收到? 會唔會俾"人"搶晒?

根據佛教角度生前經常認為或者希望「死後要有人拜祭」既人，死後會變「希祀鬼」。我地傳統所認知既鬼（會受香火、要拜祭）就係依種鬼。非道教文化地區既人，一開始冇「死後要有人拜祭」既概念，死後就較少機會變「希祀鬼」。