有冇人試過屋企有蚤/塵蟎？？

點先知道屋企有冇蚤？

近一個月懷疑疏化有蚤，成日都覺得訓係上面好似周身唔聚財咁有啲痕，於是全屋大清洗啦

洗床單被鋪
洗晒所有衫褲鞋襪
消毒藥水抹牆/地
成張疏化都噴左滅蚤噴霧
情況就好轉左

1個星期後又開始覺痕
但身上冇明顯比蚤咬既痕跡

上網睇啲蚤好似都有5mm大，肉眼應該睇到？？？
但目前搵整都搵唔到佢地蹤影

開始懷疑可能唔係蚤
而係更細小既塵蟎
定唔知係咪自己心理作用/皮膚敏感

想問到底點先知屋企有冇蚤/塵蟎
追舊post講到有親都好麻煩好大獲
唔想等到佢哋大爆發先行動

皮膚有紅點嗎

求入嚟支持一下黃色音樂圈

我同一位挪威朋友寫咗首歌送比咁多位同路人
- 分享自 LIHKG 討論區
https://lih.kg/avmpJvU

之前用木床試過有蚤
結果洗左幾千蚊搵人黎搞，換埋鐵床同床褥
如果見到床有黑點個啲係佢地啲屎

有少少好疏落 大約毛孔咁大

床上冇黑點啊
但有疑似皮屑既白點

會唔會係皮膚乾
我周不時都係咁
個痕由入面開始

之前都懷疑係咪有蝨，瞓落張床成日周身痕
瞓醒張床有好多血色細細粒，但永遠唔見有蝨
後來屋企人有日俾個吸塵機sales入屋吸我張床
吸咗勁多灰色一舊舊出嚟先知係塵蟎作怪
（儲咗5 6年塵蟎屍體）

所以想問下啲中過木蚤既人情況係點
蚤係咪肉眼可以

一開始我都驚係蚤
如果係塵蟎
聽講用某名牌吸塵機可以吸到

有冇買部機 幾錢

冇，部嘢佢賣萬幾蚊搵笨嘅
我之後上hkmall買部四千幾蚊二合一吸塵機都吸到
而家濕疹都少咗翻發

有冇拎 我面都有敏感濕疹

我都未見過，但網上搵資料話肉眼可以睇到
試過換白色布鋪住觀察一排都冇影

Link太長費事貼
上hktvmall search 伊萊克斯 ZB3325B 三合一無線吸塵機【香港行貨】
啱啱睇而家仲做緊優惠賣二千尾

謝謝

邊有可能屋企冇塵蟎！？你身上都唔知幾多隻。

試下 長開抽濕機
我之前都係咁 換完床單2，3日後又開始黎料
之後長開抽濕機 濕度夠低
塵螨冇咁活躍 就情況大大有改善