[長文] 許穎婷: 拆解 「香港人＝華裔血統」迷思

【和你講：解構「香港人＝華裔血統」之說】今日蘋果動出咗我嘅新聞，正常社運人就會採取「乜都睇唔到」嘅應對措施，唔睇留言，但我覺得有好多時候謬思唔直接面對嘅話，只會係助長歪風。所以今日就同大家逐一擊破。

有人話，你去到邊、幾時出世都係Chinese。先唔好講佢係指華人定中國人，呢種咁嘅思想其實非常狹窄，背後嘅大綱就係獨裁同自私的主張，同樣嘅說話可以套用喺「你離家出走都係我個仔」嘅概念。我可以用兩種方法去解構呢種說法，但喺講之前，我必須要同大家釐清美國對「種族」嘅定義。有讀開社會學嘅人都應該會聽過，種族係一種社會建構（social constructed）嘅觀念，以前嘅種族之分係以膚色定義，只有白人同非白人／奴隸之分。但美國政府早在1960年已經取消任命普查人員以觀察膚色嚟進行普查，反而係以Self-identification作標準，所以今日你先有得自己填普查表。而普查局對於種族嘅定義都係寫到明，係指一個人嘅族群認同。呢啲我唔多講，可以自己去睇：http://www.census.gov/mso/www/training/pdf/race-ethnicity-onepager.pdf (按:用VPN)

其實以血統嚟定義一個人嘅呢種主張，喺現今社會恐怕都只係得中國人會咁做。「去到邊你都係中國人或華人」嘅呢種諗法其實已經忽視咗「身份認同」嘅流動性，混淆國籍同身份認同嘅概念，同時停留在舊有嘅身份框架。國藉係由出生地賦予比一個人嘅身份，就好似生理性別、出生家庭一樣，並唔係由一個人可以選擇。但身份認同係一個人後期自我建構嘅，隨著成長環境、學習知識同人生經歷慢慢改變。唔好以為美國人唔識，其實細心嘅人就會睇到，普查局喺表格上嘅Other Asian選項後面列出「Hmong苖族人」呢個身份作其中一個例子，而在2010年嘅人口普查中，就有26萬人認同為「Hmong」。喺130萬個日本人以外，仲有超過一萬人認同為Okinawan，12個人認同Iwo Jiman。你可能會話事實上Okinawan同Iwo Jiman都唔係ethnically Japanese，咁就帶到去下一點。

成日話我哋係Ethnically Han Chinese，咁我哋就講下血統。至少遠於四千年前，中原已經有幾千個族裔，喺秦朝或早在帝制成立後，漢族刻意去將所有嘅族群統一，但中原依然有好多不同嘅少數民族流傳落嚟，不論喺文化、語言同地理上都仍然可以劃分出好多不同嘅族群，包括苖族、藏族、回族、蒙古族、滿族、維吾爾族、土家族。單單係Cantonese，其實都已經係一個好籠統嘅稱呼，直接歸納其他百越族人。當時福建、廣東、客家人都係被Mandarin Han所殖民統治，然後漢化，所以今日你見到嘅所謂漢人，其實體質同容貌都已經大相逕庭，但就要一直被政治勒索認係Han Chinese。其實已經有好多研究顯示，呢啲不同族人嘅血緣已經唔一樣。

既然中國人、大漢族嘅觀念都係建構出嚟，如果話我哋係華裔所以唔可以爭取自己嘅身份，亦絕對係講唔過去。香港絕大部分嘅人都係廣東人，與其去研究自己個姓同家族嘅淵源歷史，再去認同一個自己都追溯唔到嘅血統根源，倒不如去自我建構番香港人呢一個族群。香港都咁大個仔，仔大仔世界，關佢鬼事咩。

呢啲論述只不過係要解構香港人去到邊都會係華裔漢族嘅說法，講話要透過在美國普查填寫「香港人」身份，從而去建構香港民族同我所謂嘅「香港魂」，可以參考下我呢個post：https://www.facebook.com/permalink.php?story_fbid=10222054545662168&id=1517524019

有人話人口普查係用於分配聯邦基金資源，咁樣做會分薄華人社會聲音。我一開始都會有咁嘅concern，於是親自同過喺普查局入面做幾十年研究主席、兩個推動Census ”Write In” Campaign嘅領袖交流，明白到美國普查一向係向着資料結果多樣化嘅方向邁進，佢哋表明十分樂見普查結果變得越來越詳細同真確，而唔係持續收到籠統抽象嘅數據，導致實施資源分配時無從入手，無法完全配合不同社區嘅需求。倘若今日普查局只係收到Chinese嘅數據，缺乏其他少數族群嘅資料，咁淨係識講廣東話嘅老人家如果去到醫院唔識講普通話或英文，咁又點算？

再回應埋一個更on9嘅留言話，我係留學生，點解會叫自己做在美港人。「在」呢個字係literally指在地，我喺美國住，唔係在美唔通係飄美？你講緊嘅係美籍港人，有啲人叫我讀好書先搞政治，你咁愛國有咩理由中文仲差過個讀洋文嘅人？

#唔講港獨 #支持國土完整

https://www.facebook.com/frances.huiwingting/photos/a.2329073550647772/2573231566231968/

【喚醒香港魂】美大型人口普查 港女生推動「香港人不是中國人」

美國正進行十年一度的全國人口普查，一班在美國的香港人，首次發起活動，呼籲填上香港人（Hongkonger）身份，以凸顯香港人跟中國人的分別。相對地，在美台灣人已推動同類活動40年，申報台灣人的人口不斷增長，已形成一股不容忽視的族群，更有利爭取貼合台灣人需要的資源和政策。


記者：羅佩琼

「反送中」運動以來，不少港人身份認同有更多反思。在美國的香港人，早前游說美國國會議員支持通過《香港人權與民主法案》時，經常被問到背後代表多少人，表明「香港人」若不團結成一個「數目」，便難以發揮影響力。

去年4月，在波士頓愛默生學院（Emerson College）校報發表題為「我來自香港，不是中國」文章的學生許穎婷（Frances Hui），眼見在美台灣人組織推動台灣人身份認同活動，鼓勵在填寫人口普查表時，申報是「台灣人」，令她決定推動類似港人身份認同活動，「尤其是過去一年，香港經歷了許多事情，是否應該藉十年一次的美國人口普查，帶出一個主題活動去團結在美港人。」

她指出，英文沒有華裔和中國人之分，統一叫Chinese，所以外國人不明白種族上是「華裔」，但政治上不是「中國人」的概念，「許多亞洲人同樣是華裔，但他們可以跟據出生地或居住地，因為不同文化和不同語言，申報自己是越南人、日本人、韓國人。為何台灣人和香港人就必須認同自己是Chinese？」

她表示，推動活動時遇到不少挫折。首次是起步較遲，準備、宣傳工作非常急促；加上美國爆發武漢肺炎，原定街站活動等在居家令下遭取消，因此很難接觸年紀較大，或較基層、沒有上網習慣的一群。在Facebook刊登的廣告，也受到一些簡體字留言攻擊，廣告後來更被下架，他們要不斷修改設計、字眼，以滿足網站要求。

許穎婷表示，這只是一個起步，希望可喚醒在美港人的「香港魂」，知道香港是一個族群，而且數字每十年遞增，「數字可能微不足道，只是單純一個數，一個人口統計，但對於衡量港人對美國社會的貢獻非常關鍵」。

台美公民協會（TACL）自1990年起便進行同樣活動，2020年踏入40周年，也是第四次大型宣傳；過去每一個十年，都可看見在美台灣人人口不斷在增長。2010年美國人口普查中，約有23萬人在種族欄中填寫「台灣人」，較2000年時增長59%，顯示越來越多台灣民眾認同台灣人身份。

「台灣人」多了有甚麼好處？台美公民協會負責公民參與的胡若涵（Christina Hu）表示，這並非一加一等於二，不能簡單地量化成實物，但人多自然勢眾，有一定數量就可以向地區政府或當區眾議員施壓，確保意見得到重視，從而爭取更多資源和權益。

她指出，台灣在國際中若更有地位，可以帶來更多好處。就像這次由中國輸出的武漢肺炎瘟疫，台灣在防疫上表現突出，若世界衞生組織（WHO）重視、參考台灣的意見，可能會有不同的結果。

在台灣出生的胡若涵強調，即使說同樣語言，台灣人就是台灣人，不是中國人，就像南韓人、越南人不會是中國人一樣。雖然有些在內戰後，由中國撤退至台灣的國民黨人，認為自己是中國人身份，但本土出生長大的台灣人不會接受，「在民主社會，每個人都有自由意志去認同自己身份社群，並且互相尊重對方的不同選擇。」
問：如何在普查中填報香港人或台灣人身份？

答：在人口普查表格中，亞裔只提供越南人、中國人、菲律賓人、印度裔、日本人和韓國人6個選項，所以應選取「其他亞裔（Other Asian）」，再自己填寫所屬的族群，例如：Hongkonger或Taiwanese。

https://hk.appledaily.com/international/20200415/M2LVUQEEV3WQSLWWYJTR2M5HHU/

推

Push

麻雀妹

已like已follow

push

低能先去注重血統
思想比什麼都重要

小時所學習的是香港是華洋集處
有東方亦有西方特色
所以香港人=中西合壁的人

push

Hongkongian

Hahahahhaha
人靚 論述正
好務實既「香港人」派


#唔講港獨 #支持國土完整

推呀

up