Mycarhk

請問有冇師兄熟 Mycarhk啲車盤同服務點？
唔太熟28car私人盤
想問下 揾mycarhk啲2手車操車會唔會都諗得過

同車行買二手車就好似去先達買二手電話一樣, 表面一定會靚靚仔仔企企理理, 但你要諗下點解上手唔自己擺28car放俾人而要放俾車行, 車行收車價一定係低過賣俾你個價.....

如果萬零蚊車, 自己28car睇岩, 再問下朋友同事有冇相熟車房俾幾舊水上架望望底盤有冇漏油有冇撞過已經OK, 如果幾萬蚊車可以考慮搵驗車公司出份驗車報告....

萬幾蚊車識行識走就得，真係唔洗驗

Turbo 車係咪高咪會易死啲

Mycar好似係標榜自己係寄賣服務🤔
見過好多私人放左一輪賣唔去，結果都係放左上佢個平台
想知mycar有冇伏+1

其實唔明
見過有盤係私人放左一排
轉左角度影相變左mycar放 開價仲高左 但放到
當買家壓返價落去 咪又係還原基本步
係都要比AA食一浸

識人就係咁 私人放 放唔出
比mycar食左10% 都5位數

二手車同二手電話無得一齊講, 二手車銀碼大而且有持貨成本, 如果你手頭係部三幾皮日系牛肺梗係易放, 反觀如果係架落地三幾年仲有2~XX萬殘值既車唔係你想賣就賣, 呢D銀碼既車好多時掉左上網既結果係買得起既睇唔起, 睇得起既買唔起 (無會上), 再講, 另一個令車行有生存空間既原因同香港人其實係好有錢都有關, 好多人用車(新車)係用幾年就賣, 對佢地黎講係唔希望係車換車之間有真空期, 如果佢地既選擇係架要加OPTION既歐洲車既話咁多數要訂而期亦唔會準. 當收車既日子都唔準時其實係好難擺上網賣, 咁呢D車好最後都會無出現過係易發就直入九龍灣/SALE手. 後生仔可能覺三五萬差價好多, 但對好多會出新車既中坑車主根本唔CARE. 而講車行收車價一定係低過賣俾你個價呢句簡直無意思. 唔通做義工咩.

最後, 車行可以伏你, 私人一樣可以伏你, 唔係話車行就可靠但完全唔覺同私人買會更加安全, 現況交收私人買車過完戶你一樣無得追. 無論車行定私人, 落訂前上架, 上架前搵識車既朋友俾意見己經可以令中招機會減到最低, 咁都FAIL就個人運氣問題.

其實Mycar係會主動聯絡D賣緊中高價車既車主(我諗10皮以上)去講佢地既服務再上門影相, 有成交先有收費. 對有實際放車需要既車主講其實係多個途徑走車. 或者你睇到既係MYCAR食左佢10%. 但對車主講架車最後係好過TRADE IN價既同時又唔洗自己落場同潛在買家DEAL. 值唔值睇用家點諗.

利申: 試過俾佢CALL

同意上面話寄賣
我之前都係喺車行寄賣
一來租佢地方等賣平過我喺樓下租多個車位等賣
二來佢個佣金入面包埋幫我做埋驗車打蠟清潔
而且我上28car睇返佢個post個description 咪數其他野都係岩既

我就係諗唔明
明明大家都係放上28car/facebook/carousell呢啲平台賣
我係買家一定想搵私人買賣，最唔想搵車行
偏偏私人放唔到，轉個頭就見到部車去左佢地個平台
經mycar放出黎個價同私人放差唔多，甚至仲平啲啲
車行佬一定唔夠車主熟部車，點解反而經車行會賣到，私人賣唔到
乜有咁多人鍾意搵車行買車咩

就係見佢價錢都幾合理，又話係寄賣咁
所以想知有冇其他伏野
有冇師兄經佢買過車

只可以講係靠自己經驗同彩數
如果個賣家係古惑
個車行老實都係死

同埋想講多樣係寄賣既話車仔收嗰幾%
搞完咁多古惑野標多1萬幾千佢都係袋幾百
反而嗰啲收車黎轉賣嗰啲賣貴一萬佢就收多一萬
相對黎講 寄賣既話車行參與既係少啲

試過睇過一架車，又花又殘又污糟，但係有放喺mycarhk到賣🤣

上面有師兄話有成交先收費
如果部車一直賣唔出，放喺佢個場幾個月，都唔洗收佢租？
咁佢同開善堂有咩分別

有成交先收佣金姐
我之前幫襯嗰間話如果最後成交唔到就收返租金同埋驗車打蠟費