05年留言,再之前唔知
我都試過同佢一架電梯, 又係在沙田, 個時佢仲住緊世界花園, 又係勁緊張, 緊張到唔識叫佢簽名
我成日係大埔見到佢架~~~~~佢住係康x園, 所以成日係大埔出現. 佢鍾意去"蔡x記"食麵, 去0個到好多時都會見到佢, 不過要係平日11點零喎.......rush hour好少出現架!!
我見過佢老婆響新城市對停車場的職員都好好禮貌的
我前2個月，有晚放工返屋企，都響大埔吉之島見過佢，當時我都係緊張到唔識叫佢簽名同影相，後悔到依家呀！
佢成日係沙田出現架,我係新城市廣場都撞見過佢2次,老公亦係大圍見過佢
我都見過亞SAM兩次，一次係鴨寮街，擦身而過，冇打招呼！
一次我係車上面塞緊車，佢係界限街近明愛賓館o既行人路上，
佢好nice，仲同車上o既我微笑同揮手o忝！
無錯, 佢真係好nice, 天皇巨星o黎講我相信無乜邊個真係會咁做..........
話說......都好多年前啦, o個時我都未結婚, 同而家o既老公渣o左o架錢七行上馬騮山, 半路車頭冒煙, 咁就埋個停車場睇o下咩事啦, 點知就見到許冠傑同許冠英兩兄弟, 仲有佢兩個仔o忝, 睇佢o地個款係準備去行山o既, 因為佢o地拿住哂o的竹, 又咩哂背囊咁......咁o岩佢o地架車又係有問題, 停o左o向度, 要加水, 許冠傑見到我o地架車又係有問題, 竟然主動走埋o黎問我o地架車咩事, 我o地話冒煙呀, 當時佢手上就係渣住o個支水o架, 咁佢話咦我o地又係喎, 就遞o左佢手上o個支水比我o地, 問我o地需唔需要加水呀, 咁呀.......
平常人都未必咁好人啦, 仲要係一個天皇巨星o黎, 真係好難得呀!!!
我呢世都會記得呢件事o架
