手縫皮革討論及製作分享

菱錐，即係支錐刺出黎個孔似菱形。

(小弟嘅菱錐）

當想縫嘅皮層有2mm以上厚度，用斬直接打穿時往往會令皮面孔形變大。呢個時候菱錐就好有用處，菱錐可以喺唔影響孔形嘅情況下刺出皮革，保持線感整齊。身為一個全面嘅皮革手作人，菱錐係件好重要嘅工具，所以保養好菱錐係好重要


(vergez blanchard錐刃出廠形狀）

想用菱錐順利刺穿皮革，錐刃就一定要考慮兩個因素：
-錐刃鋒利度
錐唔夠利，會令到皮孔刺唔穿仲會令皮底孔變形，影響線感

-錐刃闊度
如果錐刃比斬齒闊，會令斬孔變大而影響線感


(修正菱錐闊度）

問題就黎喇，因為一般買嘅錐都係菱形，當用法式斬做皮件時菱錐嘅形狀會唔會影響線感呢？
影響不大，因為面縫孔喺打斬時已經定左孔形，反而錐刃嘅闊度問題更會影響線感

玩開雙面打斬（即兩邊皮面都正面打斬再貼合）又點呢？
呢個情況縫孔已經全開，可以唔用菱錐。用菱錐再刺穿反而會刺爛出錐皮面嘅孔形

近距離影下幾支錐

Kyoshin Elle,第一支初接觸皮革時買。刃面多刮痕，唔識磨又唔識用，直接放棄


Vergez Blanchard, 第二支菱錐。想感受下法式工藝而購入，新買錐刃唔算利但又係唔識磨，磨到短晒雖然最後都叫利左啲，都刺到皮但因為錐刃變得太短唔好用，而家個刃尖仲攣埋


Doldokki, 第三支菱錐。親自去本店拜訪製作者時購入，其tear drop 形嘅錐身完全符合手握感，亦有分左右手專用。出貨時已經係完美刃形：刃細又夠鋒利。係一件藝術品，錐黎講我覺得已經係頂級，價錢都係頂級


Okada tools, 第四支菱錐。跟日本師傅學藝時購入，出貨時亦有錐刃偏大問題。但經師傅指導下成功磨出理想錐形，現成為小弟主力工具

遲下會用新買番黎嘅菱錐頭share下點修正錐形

小總結：
小弟咁多年黎多係自己摸索行左好多冤枉路，好多工具都唔識點保養同用盡佢地嘅功能，所以一直想喺皮革圈入面盡量分享下自己學到嘅，等各位較新開始嘅皮友一齊進步。同時希望其他資深手作人交流下技術，集思廣益皮革界先可以向前推進

Doldokki上手圖，真係好好揸手

而家大南街有皮舖拎左代理，有興趣去玩下

問個大家都想知既問題先 樓主用咩因素決定用唔用雙面打斬

牛巴有冇咩手縫皮件珍藏share下

鞋算唔算？

雙面打斬縫出黎嘅雙面斜線感係幾靚
但單面斬再因應唔同皮厚度夾埋線粗做出靚嘅走線會有多份成功感
小弟未做到完美，不斷嘗試中

請出招
蛋爺都喺度post 左唔少鞋

我有幾把佢地既刀，當年去韓國玩時有去佢地workshop hea左陣



個老細同鋪入面果兩個女仔幾好人，早兩年果兩個女仔黎香港玩仲有帶佢地去老蘭行左圈

呢排最期待呢對，做起會啡啲深色啲，英國佬野，但家陣咁既樣都唔知幾時先有得拎。

我都想學整皮
但係驚學唔嚟又浪費晒啲錢喺啲工具上面

有無ig 可以follow 下， 整得好靚

唔算呀

正呀！我都鍾意歐式皮具

謝謝有機會再po多啲上黎

正呀！

又到左賣物時間 上次既燙金機已經比位絲打留起左
今次想賣走閒置左既法斬 因為轉左用10齒 所以5齒已經冇再用 新手用開劣質淘寶菱斬或者任何新手想嘗試接觸皮革工藝 都可以考慮下 因為好既斬具都算係一件幾重要既工具黎

呢對斬規格係3.0mm 5+2齒 識用既話絕對可以做出唔錯既野 絕對鋒利 賣$250
https://t.me/iameric123

女果然係有唔同待遇
去到workshop 當然要J埋佢地啲木製傢俱

apron個縫線做得好靚
有時會諗有冇辦法可以唔浮誇地加喺皮件上面

每樣嘢都有失先有得
買set 工具上黎吹下水交流下就會keep住玩

岩呀 買套工具一千蚊唔洗 上手之後銀包 卡套自己整 朋友生日又可以整黎送比人 多年黎真係慳返唔少錢 係我就唔諗買左上面套斬佢

個鎖鏈縫係靚。其實如果加落鎖匙扣個邊度應該會幾好，對維持形狀都有幫助，又或者加一小段落袋度做勾線條裝飾性縫線都ok

下，啲日本仔/意大利佬黎香港想去行下我都會帶架wo

咁無喇