讀完master社工，一出來人工有幾多?

其實大部份畢業生普普通通一個社工入黎做二仔位/三仔位做幾等升A仔先係正常, 你一開始有A仔位當然係好, 但唔代表其他人無A仔offer係慘
最大檔嘅東華明愛就係咁樣做法, 講到無A仔位就係慘咁, 我就唔明你咩心態。青協本身係足point, 家福東華就係starting高long term低
呢幾年仲有一大堆奇形怪狀project位都好哈人, 個班一樣受緊苦

我補充多少少，如果你計升職，一定係社工最容易升，職系相當廣闊，無論你入社署定係大機構，有好多晉升空間。社署班助理署長有人係社工出身。

但係由於一筆過撥款嘅影響，唔同機構，薪金方面有好大嘅差距。而且有部份嘅服務方向，特別係青少年，轉機構隨時會唔計你經驗！

護士最大嘅好處，就係佢嘅專業，去到世界各地都會承認！職系亦好闊，理論上，最高級嗰個係高級行政經理(護理)D2 。不過大把人連護士長都升唔到。

缺點就係三個工種之中，人工最低，大部份崗位要輪班。所以我唔明白，點解陳姑娘做咗局長，佢都冇着手處理呢個問題。

老師平均來講人工最高，基本上你perm 左，就一定攞到maximum 70K ...而且假期有又多，三者比較，要你孭飛嘅責任又係最少。(護士醫療程序出錯可能釘牌、社工服務使用者自殺/殺人可能你要孭飛...但如果你夠正常學校，好少何會遇到類似嘅情況)

不過如果你係做GM / APSM ... 最多係升到校長，學校嘅職級相當少，GM SGM PGM 最後就係P。 GM升SGM 理論上係有 3-4成機會，但係其實最講求嘅就係際遇， 你上高嗰個唔走，你叻到曉飛都冇得升。

所以有唔少人情願減人工，都入去教育局做督學或者課程主任，因為入咗政府，保證你一定有得升職。

GM max都已經等於護士長max
我覺得老師已經比護士 SW 出路好好多
正常一定3xk stating 一定max 7xk

Sw要睇機構待遇 待遇差d 可能5xk就max

nurse 多數比sw 高starting 但多數max同sw 一樣 max 50k 但nurse 辛苦過sw好多好多好多 舒服位係有但好少 同埋未必輪到你做

不過nurse 移民好方便容易
美國nurse 人工更加高甚至似普通科醫生前題去得到美國

大機構可能20個ASWO爭1個SWO? 我都唔係太知其實一間NGO比例上有幾多ASWO

社署基本上近依10年既助理署長同副署長都已經係ASWO慢慢升上去
以前部份助理署長同埋副署長(行政)係AO黎，但依家係唔會有AO做到
不過其實社署咁專門，由返社工做署長先係正路，可惜依家未有人爭取

美國醫療唔係醫生主導哂嘛
美國護士有執業護士，可以斷症同醫容易既病
正如社工都有LCSW，同埋可以斷症同埋做深層次既心理治療

其實你講呢個情況，其他政府部門都會出現，特別係工程部門，即係路政署、運輸署、建築署嘅助理署長，甚至副署長，都係專業人士出身。當然，你技術官僚做得好，一樣可以做到局長，例如係短命局長麥齊光

署長級通常要AO出身，因為政府要求最終話事嗰個，要識管理，同上級溝通，即係要政治蓋過專業，咁先至令到政府做到有效管治

所以過去，香港政府最自豪嘅就係，鐵一般嘅衙門，流水一般嘅官。

GM位唔係老奉有架, 唔好太多幻想
RN位就真係全行都高人工, 而且HA護士已經算人工低

Perm 左一定有。如果遇上殺校潮，連校長都冇得做添，這個亦可能是教書的最大缺點，一個唔好彩遇上縮班殺校，人到中年，咁就真係好大鑊

不過按而家嘅情況，中學老師都唔使驚住。因為縮班殺校往往係由小學開始，根據過去嘅情況，小學殺到風聲鶴唳時候，教育界就會有反應，政府就會推出相應措施，所以早幾年嘅殺校潮，係小學嘅血淚，換取左部份中學嘅穩定。

有幾多人一黎就perm
我見過4個contract位分一個GM
每人0.25

笑撚死咩
做社工有雙糧花紅

講經咩
我以前做嘢個度d senior
max 咗都搵五皮，根本唔恨升
係唔跳point，但年年跟政府加人工
仲要講緊幾年前嘅數

ngo因請唔到ot pt，所以好多都比足，仲唔封mid pt，可以到頂

perm咗一定有
但問題係perm難到癲
母校好似得2、3個係perm
有啲做咗十幾年做到主任都係年年續約

下，咩學校？咁顛？
正常來說，小學有perm位一定要比 perm，小學校長無權扣位。中學校長就可以扣10% perm 位用作回應資源運用。

教育界宜家入行難左，但有新人想入行，有大學學歷加PGDE 就點都有工開，perm 就睇彩數。你教小學更容易perm

個人認為，想快perm 就要小心個工作經驗，因為做左幾年無perm ，其他人睇會覺得你有問題。

你做私人紮構。
最近有好多智庫，搞一帶一路、大灣區組織都會請社工，私人工司所以有花紅

但一定係紅底

一定有工開？
係我聽日報名

呢個真 雖然大部份好好
但有啲主任勁仆街
周圍屌人 惡過商人

年尾拎到機構精美禮品一份算唔算花紅？

真係好易
畢業搵份aswo就30k

外面世界幾多工做死一世都係40k
入職已經30k仲嘈嘈嘈
試下出去做IT 狗
入職14k都唔知有冇

大把社工入職pt9，成世升唔到職，跳pt到mid pt就停，做死一世先得30k。唔好淨係睇到aswo嘅人工，好多人4/50歲都係swa