［新缸養魚］啲魚陸續死

琴日又有條瓜咗
有水黴...
我諗會唔會關呢排天氣事

近2個月水務處調高氯氣,冇處理好就咁換水會出事

似柱狀,條屍有爛肉
邊間買?

應該係買返離有病重要係柱狀

上網search圖
似柱狀wo真係
因為之前其中一條死都係有撻黃黃白白既
加上死嗰啲全部都係同一批新買既
而家好似連條鼠魚都有
雖然影得唔太清楚
但鰓後面有少少白咗



新魚而家全部隔離曬

邊間真係要問返老豆先知

魚缸幾大？ 用咩過濾？

20吋缸
外掛搭個細既水妖精

泥底未必養唔到孔雀魚, 只係冇咁好
只要唔太酸, 初初可能會爛尾, 後代會比較適應到

死得快又有唔尋常徵狀,
有病居多... 你新魚入缸冇做檢驗?
而家盡量將有問題嘅隔離,
我怕你全清...

炒缸啦，唔好買魚住
等死晒缸魚再消毒個缸

可以點做檢驗？
真係唔識⋯

咪撚啊
不過一定唔買魚住⋯

爛尾魚基本上一定死，想要保住未死哥d只可以每日換水，一見到爛尾魚即刻隔離。

新買嗰啲，有冇爛尾都隔離曬
留返最開始嗰幾條孔雀魚同睇落冇病症既鼠魚

祝你好運

位置好重要！當然水質和配套要配合

過濾唔夠勁，睇需要換濾桶或頂濾

我一開始都有擔心
所以另外有拎個膠盒裝住啲濾材
放係外掛既出水口到
希望可以增加培菌量

你確定你個外掛夠力抽到全部水？

巴打試下係濾桶落少少珊瑚砂，魚街有賣白色一大包。唔好落太多，大概1隻手指公體積

柱狀病呀，本身啲魚有事
成個缸都應該要開過
唔係之後再養孔雀都會一直死
新魚一定要格離之後再入缸
咪買花園街打袋魚孔雀

係咪即係要翻缸？

屋企用泥養孔雀魚都冇事 生埋下一代

唔太關泥底事
泥底頂多燒尾同短命啲唔會接住死魚
十之有九都係啲魚本身有病
同埋個系統未建立到
不過係花園街啲打袋孔雀好容易中招
入缸前要隔離先
健康既魚就算你用清水養住都唔會病
記得對左水溫先

翻唔翻缸真係做唔到決定
可以睇下情況先

一諗起翻缸就頭痛
而家每日換住一半水