簡單起過你底,你應該非五毛打手個d。 想同你傾下。 有咩請指教。
自97後你所講既情況其實一直都係咁(冇民選議會,政府非民選,法官係政府任命)但係點解2012年前好似冇乜人話法治已死? 個陣時冇乜人會話法庭法官好自然係威權體制一部分?
新加坡立國已來都係威權,但係立國之初,當地法院都strike down 過行政當局既 detentions under ISA through JR. 最後要新加坡修憲法院先收皮判政府贏。
我想講既係威權政府下法庭唔一定威權;法庭今時今日變得威權好多時都係被逼。 今日香港法庭比人感覺威權都係因為重大政治事件上,政府係都要靠法庭去做底佢對手。打唔贏就釋法炒起你。一定要DQ。 另一方面,法庭係某d方面我覺得都可以話係liberal。 由近期同志案中都睇到,同志某d權利同自由都受到保護。 我知好似唔多關光復香港事,但係我想講係法庭依加係某d位唔一定好威權。
不過有冇法治係另一回事。 法治係多面既, 講既唔止守法、依法、有一個透明既司法機構、更重要既係限制公權力。要let justice not only be done but also be seen. 但係依個垃圾政府過去做左咩大家心照,佢同班黑警點帶頭破壞法治大家都清楚,我唔再多講。暴動罪一早係英國被廢除,加拿大同澳洲都有修改既地方去提高檢控門檻。 政府唔改公安條例,係都要告暴動,如果過到個threshold,法庭其實我諗都冇計。
最後我深信有一班天真既法律從業員係1. 覺得佢地仲可以係體制內救得一個得一個 2. 對公義既堅持同想係完全崩壞前都守一下。 你又唔好一下就話班藍/貪錢。好多義務既律師真係錢都唔收咁去legal visit架。
法庭係咪威權我會話70%係, 但係仲有冇法治? 我覺得一早變左喪屍啦