朋友比自己出色好多

我都會咁諗
但係我羨慕佢嘅嘢
往往都係大眾最注意 最關心嘅嘢
而我的確有佢冇嘅技能
但冇人注意到
有時會因為咁差啲打消咗自己繼續係某個技能上面專精落去嘅心

Thx巴打
聽完舒服咗
努力做自己希望總有一日會有人欣賞到

我好似好比心機跑 但都係快得嗰少少
可能係用力唔啱時間 唔啱方法
但係我搵緊啱嘅方法嘅時候
啲人已經係我隔離跑過曬
共勉之

點解你用大眾最注意為著眼點？
其實你為自己而活定為人哋而活？
我唔知佢同你嘅技能係咩，
但係為自己而活係會更加吸引，
唔好一味諗人哋會鐘意啲咩，
係諗自己想做啲咩而去努力。

可能你依度慢左 其他野快左呢？

人比人真係比死人
我啲同fd戴勞又點
自己一個活得自在就好
對得住自己

我諗你係想贏某一個人 或者至少同佢平起平坐
人比人比死人 呢句說話啱 但可能對我同你都係廢話
因為當你在意嗰個人就絕對會比較
不過當有一刻你專注做一樣野 淨係做一樣野
會自我增值 會睇書學 會不斷練習
到你變咗做某一小群人嘅top嘅時候
就覺得其實自己都唔係咁垃圾啫
可能垃圾過你朋友 但係起碼你勁過某一部份人
咁當然我依家都仲係有少少羨慕某啲朋友
但係冇之前咁妒忌

巴打我講聲唔好意思先...
雖然大家都會覺得做自己最緊要
但無可否認總有啲人係會希望得到大家嘅注意
可能我自己就係個咁嘅人
由以前嘅靜 到依家會逼自己出多啲聲
想嘅係為咗大家可以開心啲 因為我而笑
我覺得我係一個需要為他人而活嘅人

我的確有嘢快咗
但我呢啲比較心 求勝慾
會令到我逼自己再做多啲 學多啲
人地有咩好 我就學咗佢
就咁聽係咪好理想 個方向好啱
但當我學又好抄又好點都好
最後我就變咗個冇特色嘅個體

理解的，
但唔好因為佢令自己有壓力，
一有壓力就做咩都唔順利。

坐言起行
識得有個朋友由中學到做野淨係識埋怨人
又瀨自己屋企冇錢又剩
明明就係自己冇努力, 讀書就hea, 做野又蛇王一事無成比人炒
見到d 同齡朋友平步青雲搵得多就眼紅人地行業好景,唔諗下人地背後付出左幾多

我同你都幾似 不過都要睇老細
一部分鐘意聽話既下屬 一部分鐘意有獨立思想既人

留名
覺得自己廢
同比人退後好多步

其實可能人地背後真係付出左好多
失敗左又點會講，
只會比你睇到風光嘅一面

唔好將佢變成你要𡚒鬥嘅原因，
如果唔係你會失去動力，
如果果項技能係你鐘意嘅嘢，
就用返初心去做。

一個故事仔：
一個流浪漢住喺鐵管附近，
突然間嚟咗幾個細路每日放學就會去打啲鐵管玩樂，玩得好開心，
令到流浪漢覺得好煩擾，
有一日流浪漢同佢地講，你地打鐵管打得好好聽，我每日一人俾十蚊你地，幫我打5分鐘，
如是者過咗一星期，班細路日日為咗十蚊去打鐵管，有一日流浪漢冇俾錢，
班細路就覺得冇錢我就冇心機打啦，點解冇錢要幫你打，
最後佢地就冇再出現過，流浪漢都得到安寧。

其實呢個故事係講緊，
當一樣你本身好享受好鐘意做嘅嘢，
突然間俾人加咗啲伽鎖落去（可能係人哋嘅期望、人哋嘅反應、比較嘅壓力等）就再搵唔返當初鐘意果樣野嘅感覺，為做而做，慢慢就會無力、放棄。
所以加油去熱愛你鐘意果樣技能，將佢發光。

清楚 多謝巴打
我會再努力多啲
仲有時間可以比我努力
但唔知巴打有冇試過幾個人做同一樣嘢
用同一個方向
但大家技巧唔同
最後自己係衰到貼地
佢地會講 下我地都係咁做架 點解你會咁
我知係自己技巧用得唔好 但嗰種難受真係好辛苦

Roma wasnt built in a day
邊個未衰過,識得反思點解錯再試新方法先係重要
埋怨只會顯得自己失敗

多謝你
我會更加比心機去強化自己項興趣
都唔怕講係影相
希望有朝一日可以比我為自己呢個技能而自豪

送隻今日見到嘅柴比你

啱
依家嘅我比起即刻落手去改
覺得由自己啲諗法開始著手更加重要

哦原來係攝影！
我身邊都好多朋友玩攝影都幾成功，
想知你出色嘅定義係點？
呢項係你嘅全職定副業？
黑柴好可愛呀

會唔會人哋比你花更多時間你唔知

你上嚟鳩up嗰，人哋可能仲奮鬥緊

巴打 我同試過咁嘅情況
直至一日睇咗本書點醒自己

唔好羨慕人哋 刻意同人比
但又要學人地勁嘅地方 令自己進步

Btw 我都送隻俾你, 雖然我唔識影相

做人點解要比較......

最打擊既係明明大家原本都係同一條起跑綫

係雖然會比人覺得係人地比你更努力先會贏你
但係某啲地方人地係真係有天賦