親人過世係咪會有大體型既昆蟲/動物入屋企？

如題
12年前外婆過左身，之後有一晚有隻中型size既雀仔竟然經客廳既窗飛左入黎我屋企，喺客廳飛完一陣直飛入去主人房，我阿媽話主人房嗰陣仲放著外婆D衫，嗰陣已經覺得好詭異，一黎有隻中型size既雀仔飛入屋企已經好奇怪、好少見，二黎佢喺個客廳係咁兜圈咁飛，三黎仲要直衝入主人房，我阿媽後尾都懷疑唔知係咪外婆翻黎探屋企

上年5月，我外公過埋身，差唔多一個星期後，我打打下機想斟水飲，行近廚房門口突然見到有隻超大型曱甴爬喺木門上面，個size差唔多4份3隻手掌咁大，勁恐怖，我直頭唔敢打機，搬部電腦出廳一路睇片，一路望住隻曱甴，但係隻曱甴冇周圍走，過左20分鐘就走左

想問下咁多位巴絲有冇類似經歷？我自己就唔信鬼神既，但係經歷過呢兩單真係覺得好似有D嘢

我呀公頭7個晚 有隻大飛蛾入左我間房 平時都未試過 而且我仲係住高層

有冇巴絲有類似經歷可以分享下

有時有D嘢都係寧可信其有好D

呀婆係鄉下過身
死果晚 有一群飛蛾飛過
最大果隻留底左


平時好日都唔見有一隻

阿嫲走咗幾日
飛咗隻草蜢入屋 停咗係件衫上面

老豆攞住件衫同隻草蜢入房
喊得好淒涼

試過屋企有人過身 真係有飛蛾飛入屋

咁大只曱甴，史前動物？

我都係第一次見咁大隻，所以好驚，平時屋企好少有昆蟲

太大。你仲夠膽望住佢？

隻狗走左
屋企有史以黎第一次出現蝴蝶
仲要去返隻狗生前最鍾意果啲位度
喺屋企兩日都唔飛走

阿爺過身一百日鄉下有儀式 有隻飛蛾入屋

梁烈士頭七係太古廣場攪路祭
燒燒下衣紙有隻大過手掌嘅飛蛾係外牆
市區喎，大過手掌喎！ 我信有呢回事！

嫲嫲過身
有隻好靚嘅小飛蛾停左係一個位幾日
跟住自己走左

我daddy朝早過身， 嗰日下晝有隻獅子走左入屋
嚇撚死

啊公過身 有隻草蜢企定定係窗邊郁都唔郁係度望實我
十年都唔見一次 仲要住好高

一樣，老媽子話一定係
過咗十幾年仲好掛著阿公

唔想導人迷信但通常係有

睇到呢個post好掛住走咗嘅公公

我都係記得呢件事
當全部人默哀嗰陣就飛咗一陣

成個人起曬雞皮
寧可信其有 不可信其無

有次發夢夢到佢好瘦又呆呆濟濟 個心真係好唔安樂 最後就去左燒d野俾佢係下面好過d 雖然唔知係真定自己太掛住佢 但燒左起碼自己都安樂d

我老母走咗之後幾個月差唔多日日有飛蛾入屋,唔大隻,但成日纏住我飛

飛蛾，見佢入咗個裝垃雜嘢既桶即冚蓋，幾日後醒返起開返個蓋，佢香咗