【賠得太多】國泰厚待Rimowa篋止血 一律貼「易碎」牌
講到行李篋界嘅LV,一定係德國嘅Rimowa(的而且確,上年底LVMH真係買咗Rimowa八成股權)。輕巧得來又硬淨,硬淨得來銀碼當然都好硬淨,買一個Rimowa篋,要一皮嘢都係等閒。
不過,矜貴嘅篋唔知點解硬係特別易出事。據《南華早報》報道,因燃油對沖管理不善而業績走樣的國泰(293),其3月中發內部通告,就話由於過去半年,有大量乘客,因為Rimowa篋損毀而索償個案,國泰為「止血」,以後所有Rimowa篋,都要加個「易碎Fragile」牌,等處理行李的職員小心啲。
目前任何乘客個Rimowa篋有損毀,都可以要求國泰賠錢或者要個新篋,但好多時國泰會先拎個篋去去整。另外,如果乘客想國泰賠錢,必須出示買篋單據。
查實因為Rimowa講到燒唔爛、跌唔壞,所以不時都會傳出,各地機場員工會對Rimowa篋「特別對待」。坊間就有種講法係,「碰到支那的機場員工,Rimowa就是會壞」。Rimowa的支那總代理,2015年接受《南方周末》訪問時表示:「只有故意將箱子在地上摔來摔去,用極大的力量去撞尖鋭的角,才會出現類似凹陷」。單單北京一地,代理商收到的「傷亡報修名單」顯示,高達90%來自機場。
Rimowa篋加上fragile tag後,會由專車送上機。
http://hkm.appledaily.com/detail.php?issue=20170410&guid=56545804&category_guid=7015342&category=instant