有無人睇過太子古道嗰個獸醫？免費諮詢嗰個

想帶貓貓睇醫生
因為睇開嗰個麻麻地

所以想轉

上網睇評價都幾兩極下
所以想問下有無巴絲睇過分享下 你覺得佢ok嗎？

我隻貓之前疑似腹膜炎有去睇過一次
一次唔平，淨係見一見醫生+做一次test就差唔多800蚊

但佢真心唔會呃你亂咁做檢查
因為我隻貓係突然唔食野唔飲水
先去觀塘睇另一個獸醫，佢驗完全血搵唔到病因
就開始唔講價錢情況下塞一堆檢查俾我
又超聲波又盛
仲想說我留院

反而古道睇完入驗血report + test result
就同我講唔好再晒錢做檢查
解釋返隻貓唔食唔飲，驗血結果一定差
叫我真係再唔食唔飲先返去睇佢

咁最後點
你有無keep住睇佢

https://forum.hkgolden.com/thread/6512214/page/1
睇下幾年前高登仔點講

我就係見到最後個cm
但我見佢係黃醫 網上評價都好似ok

所以想問下大家

佢網上好多評價㗎喎
連登咁少人睇？

觀塘邊間我都係觀塘友

想知觀塘邊間

最後係......隻衰貓只係冇啦啦發燒
咩事都冇食得訓得屙得

__九龍寵__醫院
之前d貓在佢度打針同絕育係冇問題
但去到奇難雜症就.......

其實如果驗血報告搵唔到原因，再進一步就係照超聲波睇下內臟會唔會有咩問題

我上面都寫咗
我唔係介意佢要做任何檢查/唔係介意搵唔到原因

係介意佢做咩前都唔主動講價錢

老老豆豆，佢最後張單我絕對俾得起
但你睇醫生要做任何檢查，醫生都會主動同你講個價錢先啦

個獸醫完全係在主人混亂嘅情況下狂推唔同檢查
佢咁做冇犯法
但冇道德囉

利申：之後隻公貓尿道炎屙唔到尿
我去佢集團另一間東九龍寵__醫院
人地在抽血/照X光前都會講幾錢先

即係一開始你講個間係西九龍動_醫院？

好好人，有心，不過爛仔d，有d人唔鐘意佢冇乜professionalism

觀塘得一間啦