勸大家真係唔好賭 負債90萬

依家冇

有本未為輸

如果一開波我都輸 一早退咗

講得好啱

樓主個名吾怪得會死

各種死法

入緊第二階段，蠃輸幾千之間吾覺肉痛，癮起，自責自己。

輸幾百都心痛

之後玩股票輸咗1皮幾晚訓唔著 唔會再玩牛熊正股就算

賭癌中期

你係衰借錢 唔係衰賭

我買六合彩都嫌貴

好撚鍾意叫老婆返工

好耐冇玩

自己行緊樓主條舊路都唔知仲懶醒

試下搵啲ngo幫手戒

唔好輸錢咪得law 咁簡單

人生苦短 要賭得大

睇完你個post 下面就出財仔廣告

師兄加油💪

我今年24歲... 輸咗屋企層樓

喺四年前 本身條數只係20幾萬 ，因為當時 唔想俾屋企人知 同媽媽有一個聯名物業 所以我就偷偷地 二按左大約四十萬。
因為本身果一段時間都有爭朋友錢 找左佢哋 又唔夠找財務公司嗰二十萬 .. 結果最後都係輸埋

第二次就同財務公司 再借多六十萬 處理左之前二按果四十萬 之後我有信用卡套現 同埋私人貸款 剩返嗰啲尾數又係唔夠找數 ，加上 因為我單名做按揭 同埋我信貸評級一早花晒 所以利息超過40厘 連埋其他貸款 月供已經接近四萬 。根本就冇能力找

最後因為信貸評級太差 ，冇人做到批核 所以去咗一啲二線財務 佢哋唔使睇我入息 ，但係每間都有收手續費
借一萬蚊 實收八千 ，每15日供款一次 。

因為根本冇能力找，所以只能夠一路咁樣借落去
我去咗超過二十 間二線 ，每去一間都會好緊張
因為佢會要求你喺佢面前 打電話俾所有資訊人
佢哋會睇你WhatsApp嘅對話紀錄 睇晒你所有嘢
Facebook WhatsApp 微信
因為佢哋都唔係善男信女， 因為好多時候都借唔足
佢哋二線財務 都有一個資料庫 見到你有遲咗還
有時係一間借錢，另外一間已經打嚟追數
有啲遲一日罰$300 另外一啲罰500
有啲公司遲兩日 就會交你去收數
你實際可能淨係攞咗幾千蚊 跟住佢哋就話啲收數手續費
加加埋埋就萬幾蚊埋單。
加上啲收數 瘋狂到凌晨都會打俾你...
打唔到俾你 就會打俾屋企人同諮詢人
不停滋擾 過咗兩年呢種生活

曾經都有諗過自殺 爸爸媽媽都好錫我
遲咗返屋企都會好擔心嗰啲
隱瞞左咁多年 剩係得啲朋友知
可能我性格樂觀.. 一般人真係未必承受到

大約一年前 條數月供已經去到10萬
去到走頭無路 自己整咗一啲假嘅入息
去財務搞清數.. 結果俾人識穿左 拉埋

最後屋企人都知道左 放咗層樓幫我找數
係我呢段時間 因為間屋仲供緊
呢段時間我都冇俾家用 屋企人嘅收入都唔夠供
結果佢哋要用信用卡套現供樓 因為驚我擔心
同埋佢哋都知我出面有數 但係唔知原來係咁多

我好感激屋企人 佢哋覺得個仔都仲喺度 其他嘢唔緊要
我媽媽50歲 曾經做過腦部手術 佢覺得自己執返條命
乜都唔緊要
我爸爸接近70 係呢個歲數仲做緊嘢 我都好內疚 唔知點樣補救 ，我要同時間競賽

同埋同屋企人溝通真係好緊要.. 如果你哋條數唔係太大
真係唔好搞到越來越大 及早同屋企人商量。
同埋如果冇物業揸手 我真係寧願你哋破產

係呢一年 終於過返 正常啲嘅生活
開緊網店 將搵到嘅錢 發展其他生意
希望大家真係唔好賭落去，同埋清楚目的係做啲咩
我有啲朋友係為咗甩牌嘅快感 有啲係為咗找數
試過賭到 冇錢搭車行返屋企 差唔多行咗六個鐘頭
賣電話.. 同一個電話買咗四部 冇錢又攞去賣
而家呢部機用到而家 我都好感激...

雖然好難彌補... 但係我都會努力 💪
問候多啲屋企人 多啲傾吓計 佢哋要嘅嘢可能好簡單
真係唔好賭錢 ，澳門所有賭場差唔多去過曬 樓上賭檔
機鋪 馬會 乜嘢都試過...
贏10幾萬都唔會開心 因為只係啱啱好夠頂一個月

加油💪 第一次打咁長 有啲難睇sorry

唔好生仔thx