[集思廣益][2]推薦啲可以幫大家增廣見聞既好書，輕鬆渡過疫情期間既漫長晝夜。

森無無∅ · 2020-03-31T01:55:45+08:00

上一個推薦閱讀list都已經半年前，係時候更新同整理一下，反正疫情期間我都好無聊上一個POST: [集思廣益]推薦啲可以幫大家增廣見聞既書籍俾大家，裝備一下自己心靈 - 分享自 LIHKG 討論區 https://lih.kg/1640022 成日話"知識就是力量" ，不過話說回來其實我就不嬲唔係幾同意呢句說話，知識係本質上應該係更加屬於information，而非energy/power。誠如哲學家叔本華所說: 「“Knowledge is power”——混賬的鬼話！一個人可以很有知識，但卻並不因此擁有丁點力量（或權力），而另一個人很有力量（或權力），但卻沒有丁點知識。所以，希羅多德非常正確地表達了與此相反的說法：“至為痛苦的事情莫過於懂得很多，但卻對事情無能為力。”有時，一個人的所知會使他有了對付別人的力量，例如，他知道別人的隱私，或者，別人不知他的底細，等等。但這仍不足證實“知識就是力量”的說法是正確的。」但係當我地擁有充足及有效既資訊，我地就可以藉此更有效咁獲取更加多既energy同優勢，建構對外部世界更複雜更精密的理論理型，不論是理解自然的本質或是科學工具主義般要求的"理論的預測能力"，皆有裨益。人類的進步歷史亦都可以看作是透過學習、增進知識去獲取大自然中豐富能量既歷史。從狩獵、農業革命以至到發展核能、太陽能都係例子。語言、觀念、思想的力量不言而喻，藝術、宗教、政治、戰爭無一不包含語言運用在其中。。。。。。。。。。。。。。。。。。。。。。。。。。。。。。。。。。。《世界觀:現代年輕人必懂的科學哲學與科學史》by Richard DeWitt Worldviews：An Introduction to the History and Philosophy of Science 呢本書係某位網友推薦，我睇完之後覺得相當值得推薦俾其他人，對科學史以至科學哲學毫無認識既人好啱睇呢本，初中生都睇得明。呢本書開頭就講下一般人對世界既認識係由一大堆信念、命題組成，每個人既世界觀有佢各自既核心信念同外圍信念，組成一個可以相當粗糙又可以相當精密既拼圖，就好似星球一樣。亦都有簡單介紹一下真理符應論、真理融貫論既主張，主要內容講述我地既世界觀從古希臘大哲亞里士多德既世界觀(目的論、神創論、地球是宇宙中心、四元素論)如何演變成如今的世界觀(演化論、量子力學、相對論)，當中又有啲咩重大既核心信念被改寫，例如演化論對道德哲學既衝擊。好多門外漢企圖將科學方法講成只係一堆信仰/信念，但其實咁係誤解左科學同將問題過度簡化，科學不嬲唔係淨係講，仲有好多野好多實驗要做。簡而言之，睇呢本去認識科學好過去睇咩youtube老高之流鳩UP 。。。。。。。。。。。。。。。。。。。。。。。。。。。。。。。。。。。《再啟蒙的年代》by Steven Pinker enlightenment now : The Case for Reason，Science，Humanism，and Progress 自培根、康德、休謨...啟蒙運動已經過左幾百年，呢本書講左呢幾百年間人類係唔同方面既進步軌跡，例如係民主、人權、人身安全、貧富、生活品質、和平方面，去證明理性、科學、人文主義既正面用處，仲有附統計圖表，係本相當好既"通識書"，雖然我自己覺得有啲章節幾枯燥，作者對中國既認識同我地都有偏差，但係真心值得一讀。個人對呢本書既評價係高過同類型既《21世紀的21堂課》。。。。。。。。。。。。。。。。。。。。。。。。。。。。。。。。。。《詩性的宇宙》by sean carroll The Big Picture: On the Origins of Life, Meaning, and the Universe Itself 作者係一名物理學家，係呢本書佢思索同講述佢既世界觀，內容主要係關於三個主題，認知(意識)、生命(複雜性)、宇宙(物理學)，與哲學有關既內容都唔少，例如佢會講下我地應該點樣衡量一個理論既可信性，我地會對種種說法都賦有所謂"先驗信任度"，介於0-100%，例如當我話"JOE囝是一位不學無術又胡思亂想的人。" ，我地會因應對佢既認識得出對呢個命題既相應信任度，就當係我係觀察者，呢個命題有95%可能性係正確先，除非出現某啲意外情況/遭到駁斥/反證，否則呢個信任度甚少會更新改變。係呢個情況下，如果要我相信JOE囝係一個絕頂聰明、會帶黎科學革命既人基本上係無咩可能，佢至少都要讀翻個PHD(非神學)，出翻本書或者論文用"基本邏輯"說服學術界，拿得出佢並唔係不學無術既證據/觀察先得ETC。而科學既演進都一個咁既過程，理論未必下下都係100%確鑿或者能夠有效預測，我地當然可以繼續保留靈魂不滅論、生機論、智慧設計論、有天堂地獄存在、有念能力、有輪迴業報等等既信念，只不過我地對呢啲說法既信任度隨住我地對世界既觀察認識或證據多少，或者同其他人交流討論，會愈變得可信性愈高/愈低咁解。好似有啲人淨係活係自己世界入面，唔了解其人講咩、書又唔讀多本，繼而固執己見都係好正常。呢本書可以教識你點樣以更開放但唔係以迷信既方式認識世界。例如係幾百年前其實都有科學家都唔信原子論，係波茲曼、愛因斯坦等等科學家既努力解釋之後先被廣泛接納，原子論可以用黎解釋熱、布朗運動，原子論如今已經成為教科書內容，後續發展亦係熱力學、量子力學、核能、太陽能既理論基礎。一般人唔知太多，令佢地對超自然現象有高信任度係好正常，畢竟免費教育目前既主要功能唔係令個個人都去做物理學家，而係對社會分工、階級做預先分配。。。。。。。。。。。。。。。。。。。。。。。。。。。。。。。。。。。《象與騎象人》by Jonathan Haidt The Happiness Hypothesis 講當代心理學、神經科學對快樂、悲傷、愛、幸福、宗教體驗、心智運作既研究，寫得好好又引用古今智者話語，啲人話係正向心理學入門，但其實仲講左唔少有趣野，例如關於道德哲學方面，最後面講人生意義個篇獲益良多，另外作者亦寫過一本叫《好人總是自以為是》佢既ted talk <a rel="noopener noreferrer nofollow" href="https://www.ted.com/talks/jonathan_haidt_the_moral_roots_of_liberals_and_conservatives?language=zh-tw#t-565375" data-sr-url="https://r.lihkg.com/link?u=https%3A%2F%2Fwww.ted.com%2Ftalks%2Fjonathan_haidt_the_moral_roots_of_liberals_and_conservatives%3Flanguage%3Dzh-tw%23t-565375&d=%2FZ0f2FmdXaw3bC5NJp8a0T81A39c903iQjx5eeb0Kug%3D&h=0b862542" data-auto-link target="_blank">https://www.ted.com/talks/jonathan_haidt_the_moral_roots_of_liberals_and_conservatives?language=zh-tw#t-565375 。。。。。。。。。。。。。。。。。。。。。。。。。。。。。。。。。。《IQ測驗的歷史》與《發現7種IQ》《IQ : A Smart History of a Failed Idea》and 《Frames Of Mind》多元智能大家聽得多，但其實未必個個都明其中既革新之處同啟示，睇呢兩本可以了解古今對智能既測量同觀念演變，破除相關迷思。。。。。。。。。。。。。。。。。。。。。。。。。。。。。。。。。。。《愛因斯坦:他的人生他的宇宙》by Walter Isaacson Einstein : his life and universe 推薦多本傳記，愛因斯坦一生經歷WW1 WW2 反猶，作為歷史旁觀者又係家喻戶曉既科學家，從佢一生可以見識到，上個世紀發生過咩事之餘，呢本書亦都簡單咁介紹左愛因斯坦既主要理論，另外2017年國家地理頻道亦都以呢本傳記為藍本拍左套劇去講佢一生，幾好睇，但細節真假自行判斷 https://www.youtube.com/watch?v=RFvIC-3jG6w 。。。。。。。。。。。。。。。。。。。。。。。。。。。。。。。。。。最後呢小弟開左個TG group歡迎入來傾下計，讀開邊範都歡迎