跟住我朋友都好想剪 佢搵咗一間佢覺得幾好嘅就send咗俾我 仲話2個人有折，見到啲圖幾靚咁
但係我有個習慣 我去一間髮型屋之前都好興去睇下人哋嗰間髮型屋係用啲咩藥水 好驚佢啲藥水係cheap野 跟住整爛我個頭 所以我就走去check下呢一間野 認真睇佢啲作品相
正當我check呢個髮型師嘅時候 發現佢IG啲圖/story特別濛 啲用語極台灣腔 啲髮型相 同 用字都似曾相識
原來同我係台灣有一個好中意嘅髮型師啲圖 一樣
Story又係屏幕錄影抄番黎既 ig post又係抄既 連description/caption都抄
好明顯佢係偷圖！ 但係咁都唔可以咁武斷 於是我聯絡台灣嗰邊個髮型師問吓佢 嗰個人係咪偷佢圖
補充：香港個無恥髮型師係今年2020年2月14號 先開始佢第一個post
但台灣果個髮型師至少有幾年 唔好同我講佢台灣嗰個先係偷圖！
第二朝 台灣嗰邊回覆我 嗰個人的確係偷佢圖!!!!
於是我就決定咗要放蛇🐍🐍🐍
所以我就搵 香港嗰個無恥髮型師 假扮有興趣想搵佢整頭
然後為咗想測試一下佢嘅實力 我就專登話 我要電髮再加染髮一隻要漂既色 但係其實呢兩樣野係絕對唔可以一齊做嘅 但佢完全冇打算同我講呢樣野！
然後氹到佢講個地址出嚟！竟然連salon都唔係！然後我再一路試探佢嘅實力
我聽我用開既髮型師講 巴西焗油呢一樣野係好毒嘅 過程係會釋出有毒嘅物質 對頭髮都唔好 對後續想染髮同電髮都唔好 所以一啲髮型屋 其實都已經冇用 但唔知點解都仲係有啲髮型屋繼續用 所以我專登問佢做唔做
一如所料 佢又乜7都話做到
因為我想chok佢個電話 所以就專登擺埋我個朋友上枱 諗住問佢個電話 點知佢好謹慎 死都唔肯比 係都要叫我朋友IG dm佢 因為佢太謹慎 於是我決定終止呢一個遊戲 同佢攤牌
然後我將一開始問佢嗰個髮型嗰張相 再將台灣原版嗰個post send俾佢 我喺度扮傻 問佢呢個人係咪抄緊你
台灣嗰個知道佢盜圖 所以已經block咗佢 佢先睇唔到我send俾佢個post
然後佢竟然話係!!!! 可能係對方偷佢圖 俾人揭穿左仲可以咁無恥
然後我繼續話但係嗰個人2018年出post喎
佢竟然答我係合作夥伴但我check過一定唔係
佢冇諗過我一早就已經搵咗台灣嗰個人確認 仲咁大膽叫我去台灣嗰度問 我好肯定如果等我問完之後先再搵佢 佢應該一早就block左我
所以我就9秒9 將前一晚問返嚟嘅對話send俾佢 我就睇佢有咩好講！
俾我拆穿咗佢偷圖之後 竟然仲答 好啊一啲悔意都冇！
但大家睇埋跟住落嚟佢嘅回答 都不得不佩服佢嘅EQ 我以為佢會用粗口鬧我 但係一句都冇
跟住佢仲超厚面皮咁問我仲洗唔洗約時間
我見佢連基本嘅美髮知識都冇 於是我就串左佢一句 你留返時間你進修下自己好過啦
最後佢就已經block左我！
我仲check到佢ig個5000幾個followers
起碼5000個都係啲巴西或者唔知邊度既人 好大機會個ac係買番黎
所以我想提下各位 佢仲用緊個ig繼續呃緊人 我相信佢有機會改名 再呃人 我會keep住update佢
有冇俾佢剪過嘅受害者？
