［黑店］長沙灣 雅居傢c設計公司

話說樓主老母張床又舊又爛，於是樓主就盡下孝心同老母去左睇床，千揀萬揀...就係果間傢私鋪訂左張單人床...

1月頭落訂。
「口頭」承諾農曆新年前貨到。

約好新年前幾日送貨上黎。

送貨前一日，老母好高興咁拆左自己張床...丟埋！

就係果晚一定太開心，結果一訓訓到今日，仲訓緊地下！

1月23日，
鄭師奶（傢c鋪負責人）就話：喔喔，床板運送途中整爛左，要等2月。

結果又話大陸疫情，停工，等3月。

3月頭，鄭師奶又話：在等出货，大陸海关不给过，快了。

快了？

一直都係催佢先覆一兩句，有時老母問完佢野都唔覆...

3月17，送左整錯曬嘅床上黎，但要強收4成錢，床板個邊爛曬，話係「新嘅」、「訂製嘅」，點解可以禁無恥。


（其中兩忽）


叫佢退換，退到依家...
到今日又送件垃圾板上黎，又係爛嘅，又要我地等...



等到幾時？叫佢退貨又唔肯退，退錢又唔肯，點算求高人指點。
垃圾消委會都搵過，但仲未有回音。

大家小心呢間黑店
慢真係唔緊要，但起碼整得好好睇睇，交到貨就心滿意足，但...唉

推

推

好撚仆街

祝黑店早日執笠

幫推

不過解決辦法係打個7折大家唔洗煩浪費時間

佢果邊好橫蠻，唔覺得自己有錯

你意思係，傢私鋪係咁上下？咁樣交貨係無問題？

消委會冇撚用架
搵海關啦，咁耐都出唔到貨緊係要退錢啦

海關？從商品說明條例鋤佢？但最慘係訂單無寫完工日期

認真答你，農曆年前趕換傢俬十居其九都閪嘅，因為傢俬呢行過年前最爆單，你嘅情況就擺明係大陸廠趕收爐趕唔切比你，過年後又真係撞正武肺好多廠開唔到工或者工人返唔到去，好多都要差唔多3月先正式開工

個事頭婆/sales擺明係拖字訣hea覆你 (一般傢俬舖慣常手法)，至於你話佢送套錯晒嘅嚟係講緊尺寸錯晒定淨係床板爛先？尺寸錯晒你有權叫佢成套收走，如果你講緊床板花晒就其實好常見 (當然唔係話要你硬食)，因為啲訂製傢俬多數都係幾塊紙皮護住個角跟手啲運輸又拖又撞，唔崩就假，你可以叫佢換兩塊床板比你，不過你單嘢拖咗咁耐，佢一定心急想收錢，加上換床板分分鐘佢又係自己喺香港倉或者搵地方𠝹兩塊比你算

解決情況就有兩個，一係成套唔好要，不過你比咗4成錢就應該麻煩㗎啦，要佢退都有排拗，最好嘅情況都係退到貨但要蝕訂金
另一個方法就係同佢講數，叫佢尾數嗰度平返一千幾百大家算數

感謝師兄寶貴嘅意見
老母間房，好多電制位，唔想新傢私d背板蓋住，所以訂造...
但最後到貨，背板開錯lone，仲想叫我地硬食。
連埋d爛床板，見到都唔開胃。
Sales話只換不退。

其實上到鋪面嘈左一次，但佢都仲係hea我地，唔夠人講，就越講越走，淨係聽到有隻母雞咯咯叫咁⋯⋯

好想退貨退錢尾數未比曬，師兄個方法可以一試


其實小額錢債，有無得告？

難啲，多數告都係告消委會，仲要睇你多唔多時間同佢磨，如果直頭背板窿都開錯晒你同佢講佢一定要免費幫你開返，因為係佢問題，不過肯定係喺你度即場開唔會收走，除非個開窿位佢喺你度唔夠位做

不過睇個勢而家你肯定條氣好唔順，寧願成套退走，再嘥多少少時間搵過第二間做，但都係嗰句你預最理想都要輸按金，因為而家個情況係佢肯補鑊而你唔接受，有可能上到消委會都咬唔入

有時間咪磨到佢退錢

床架比盡咪幾千
搵過間再做先啦

一google店名都大把野睇
咁都仲買得落手點配做連登仔

師傅知錯了

感謝師兄建議，我會試下
之前無好好做research，估唔到禁煩

咁撚賤都有

其實正常農曆年前一個月工廠會截單
佢都預左做唔到
之後又真係武肺復工遲左
佢拖到3月1號左右大陸復工先做
你比左4成錢係咩總共比左4成定點
你要佢退應該冇咩可能
慳番啖氣同佢傾好
問清楚佢比個deadline 佢一次過汁番掂仲好

比左9成了
之前落訂比一半
依家淨反一成

比4成果日，搬運工人大聲夾惡

屌，呢d黑店死全家

最新消息：零進展
繼續催又唔起貨，過多幾日就4個月了

哇屌