（眼鏡撚交流討論）貼你副眼鏡9

其實唔一定舒服啲 要睇副眼鏡夾唔夾
同埋要日本手造眼鏡先值錢
但點解咁貴 我自己會覺得

1. 多details 例如雕花 手工位
2. 產量唔高 經常有熱門款訂半年先有貨
3. 耐用 你唔係太粗用一副用五年唔係問題
4. QC 金子 masunaga 呢類大廠你會好少見到有問題
5. 材料 你拎上手會發現好有質感 同rayban個啲差好遠
6. 售後服務

同L記個啲名牌眼鏡唔同
你可以去搵間眼鏡舖有樓上個副805同L記自己管既意版OP 505
拎完上手你就明同樣價錢 出到黎差咁遠

唔同牌子、款式嘅定位都唔同。
比如999.9，就講明唔做款，做舒適度。
比如金子嘅賽璐珞系列，賽璐珞用機器會起火，加工困難，考驗手工之餘，賽璐珞嘅光澤又接近天然材料，如象牙、玳瑁，你可以理解成靚啲。
又比如德國嘅手造眼鏡，佢哋追求嘅係結構上嘅創新同進步，又唔同玩法。

Dita好野黎, 我諗我下一副都會揀佢
拎上手好實淨, 表面處理工藝好順滑, 有次唔小心 >1M 跌落地都無花無事
戴上去舒服, 夾得穩
唯一唔好係United中間對螺絲用耐左要搵鋪上返緊

咁手造眼鏡 (架+鏡) 係咪最少起碼都要$3000？

但其實而家好多眼鏡廠造celluloid 眼鏡（包括金子kc 系列），好多工序已改用機器加工代替人手。最基本切割成形已經係用電腦控制機器切。但當然，打磨都會係人手嘅，而celluloid 打磨會比acetate 花工夫亦係事實

其實而家仲有乜牌子係會手造？

唔一定，oh my glasses 某啲款淨框一千尾。
不過其實睇你要咩鏡姐，淘寶鏡幾蚊對，大廠second line 幾百蚊，正線千幾二千上不封頂。

再唔係，唔買made in japan，買made in hk，genic淨框680起、起「光景手造」自己揀顏色、框形、板材，淨框1700起。三千budget ，夠做埋大廠鏡片啦。但手工一定冇made in japan咁好囉，genic 賣點係平，光景賣點係度身訂造。

早兩日經過眼鏡鋪，見到armani ar5082幾靚
試戴完都幾鍾意，但趕時間冇買到
而家諗返心郁郁，想問下各位巴絲armani鏡框好唔好
因為真係未買過，自己有幾副金子戴開，係好舒服
但唔知armani舒唔舒服，戴耐d有冇問題

機械輔助，其實無可厚非嘅，可能得翻泰八郎果類專整全膠框嘅傳統職人會全手造？
其實，涉及金屬嘅，通常都要用到機械啦，唔通用手屈咩

Google咗一下，仲有made in japan嘅op喎，見到有鋪出廣告

你明唔明我講緊乜。我意思係好多以前原本人手造嘅工序轉左機械，例如切割鏡框個類
同埋講緊傳統celluloid 架，金屬佔幾多？隻腳都冇金屬芯啦。

Celluloid 係靚但好鬼重

巴打，我意思係，個人覺得冇必要追求全部工序人手造。
如果唔係，唔通中金、全鈦壓製、SUN PLATINUM製嘅又通通唔算手造咩。

巴打，我意思係，個人覺得冇必要追求全部工序人手造。
如果唔係，唔通中金、全鈦壓製、SUN PLATINUM製嘅又通通唔算手造咩。

巴打，發現你都係唔明我講乜，算啦

真心求教

講到咁白你都唔明
我再講清楚少少。我意思係：
你講得啱，好多celluloid 眼鏡都已經有唔少工序改用機器加工代替人手，所以我咪覆你用機器其實都無可厚非囉。
然後，既然中金、金屬製嘅眼鏡框都一定基本一定要用到機器加工，呢堆眼鏡咪一樣叫手造眼鏡，所以我咪話覺得追求全工序都係人手造冇咩意義囉。唔係話傳統celluloid 框用金屬啊
我一開始就係認同咗你嘅補充，然後再接住個話題討論落去

利申唔識，但睇曬前面８個POST，普遍都係話名牌眼鏡唔值佢嘅價錢。
不過即刻諗起黑熊。

你所講好多廢話都係你擺係我把口到，我根本冇講過

即係個d 乜中金鈦金屬乜乜七七我全部都冇講過
幾時有話呢d 位唔算手造

小朋友再見。

Cls 唔明你嬲乜
係咪要同你道歉，唔好嬲啦
其實都係眼鏡，又唔係神器
大家著重位唔同，唔使起晒鋼

但我真係要澄清你講個d 觀點我真係冇講過

邊有人話你講過中金、金屬製嘅唔係手造啊……
我提中金、金屬製係想話，冇咩必要追求全工序手造啊
對於你嘅觀點「好多以前原本人手造嘅工序轉左機械」，我只係話轉機器加工都無可厚非。
點解你可以ＦＦ到話我屈你講中金、鈦金屬唔算手造……