[Switch]集合啦！動物森友會｜動物之森 討論區 (52) 投資涉及風險

置頂有遊戲初期常見問題/實用工具/秘技

參觀人哋個島必讀 —— 良好島民約章
1. 未經同意唔好走去搖人哋棵樹／執人啲野
2. 跑步注意安全，唔好踩爛人哋啲花
3. 個袋滿左之後，唔好周地dump垃圾
4. 唔好偷人啲野，「摸」完野記得要還

買game前你可能會想知 -

Q：隻game玩乜？
A：比較休閒嘅第二人生。隻game時間係跟現實時間，亦慶祝現實節日例如聖誕，復活節等等。遊戲著重你同動物森民嘅交流互動(隻隻都有自己性格)，慢慢一齊生活 了解對方 成為密友， 同埋裝飾你間屋＆島。今隻主題係無人荒島，亦新增合成元素，你要由零開始還債建設你心目中嘅理想小島。遊戲節奏比較輕鬆，預你日日開來玩一陣，啱玩嘅可以玩幾年都得。

Q：咩版先有中文？唔同版本可唔可以連機？
A：乜版都有中文 。可以

Q：Online 玩咩？
A：你可以去朋友／網友嘅島度一齊開party，一齊hea，一齊砌野，一齊炒股票蘿蔔。

Q：單機會唔會無咁好玩？
A：唔會，隻game係單機game，主要都係著重起你同動物之間嘅交流互動同埋打理你座島。不過多人連機時一樣有野玩咁解。

Q：對手掣好靚，有無得單買？
A：暫時只見日本My Nintendo Store有得買，但係唔收香港卡同唔寄香港。 更新: 原來已更新可以用PayPal俾錢

Q：可唔可以用返以前啲Amiibo ＆ Amiibo Card？
A：可以。

圖片來源 www.youtube.com/watch?v=rEB1vlAiVxE

Q：買game實體定下載版好？有無黃店推介？
A：隻game預你日日開來玩一陣 實係下載版好，仲唔怕會益代理，真係怕唔啱玩要買實體我會建議你幫襯黃店買水貨。Read: 黃藍黑Game舖大集合 https://lihkg.com/thread/1686000/page/1

Q：同一部機唔同user save係共通？
A：無錯，一部機全部user都係住同一個島。

Q：係咪無Cloud Save？咁我壞機點算？
A：無。但官方講法係「Online會員專用壞機／唔見機時尋回save file功能開發中」 好反智

Q：係咪無得轉移個save去第二部機部度？
A：暫時無。官方講法係「動森專用 機對機save轉移功能開發中」

Q：有咩動物村民？
A：今集總共有383個好似係。全村民「圖鑑」未有，但根據歷作會有鱷魚／食蟻獸／熊／鳥／牛／貓／雞／鹿／狗／鴨／鷹／象／蛙／羊／倉鼠／河馬／猩猩／狼／虎／松鼠／犀牛／兔／豬／企鵝／八爪魚／鴕鳥／鼠／馬騮／獅子／袋鼠／樹熊／馬... 歷代全角色(好多頁): https://animalcrossing.fandom.com/wiki/Category:Characters

港版特別主機(電力加強版)
※並非數量限定商品。日後將預定再次生產 -(https://www.nintendo.com.hk/topics/article/a_200131_02.html)
預定3月13日發售 3月7日接受預訂
預訂店鋪一覽: (官方頭盔: ※預訂及商品在庫狀況因店舖實際情況而異，詳情請向各店店員查詢)
https://www.nintendo.com.hk/hardware/switch/store/animal.html
入手請幫襯UNY/APITA/AEON/豐澤 (唔經代理拎貨)


召集所有3DS版熟悉的面孔同新人一齊加入

遊戲初期常見問題 // 實用online tools //

＞Android/iOS 「Nintendo Switch Online」app已更新，可以scan設計QR code，同埋連機時可以快速打字傾計。

Ｑ：我見人地玩得好快？
Ａ：隻game最主要嘅精綷係由零開始慢慢認識你啲島民(記得留意島民同NPC啲對話)，發展同裝飾你座島，睇住座島點樣一日又一日咁進化。一日玩一陣又得，一日chur(十)幾個鐘又得，最緊要啱自己play style。預左你玩幾年架啦。

Ｑ：幾時先有得 買大頭菜(蘿蔔)，____，____？
Ａ：起左商店先。

Ｑ：點為之「摸」？
Ａ：去人個島擺人地啲道具入袋之後物品圖鑑會有record，之後去返自己村部ATM可以訂嗰件貨。「摸」即係擺入袋之後再還返俾人。

Ｑ：點樣加速對話？
Ａ：按B/長按R。

Ｑ：去外島請左啲新動物過我個島要幾時先會搬過來／幾時先有新島民？
Ａ：keep住玩落去，有一日去揾狸吉(Tom Nook)會叫你幫新島民起屋，做好要求就會有新人搬過來。

Ｑ：用遊戲內design app整嘅圖案可唔可以分享？
Ａ：開左時裝鋪就可以upload上網分享俾人。

Ｑ：點俾禮物動物島友？
Ａ：間唔中對話會有得俾你揀，而機場心意卡都可以連禮物寄俾動物，佢地會回信。

Ｑ：點做遊戲內好友？
Ａ：首先去機場揀同好友連機，會多左個好友app，之後去加左Switch好友嘅島玩一次就可以加。(有錯請指正)

Ｑ：點寄家俱，衫俾其他玩家？
Ａ：加左遊戲內好友起狸貓ATM網購可以直寄俾好友。

Ｑ：見到流星可以點？
Ａ：空手㩒A(好似仲要用右菇轉視角見到個天)第二日會有星星碎片執。

Ｑ：掘完窿種唔到樹／發光窿唔俾我種錢袋？
Ａ：要揸住個鏟先得。

Ｑ：花係咪可以配種？
Ａ：同類花種埋一齊，淋水，側邊有機會出新色花。

Ｑ：落兩駛唔駛淋水？
Ａ：唔駛。

Ｑ：點先可以經Internet去人地個島？
Ａ：請人來嗰位要去機場（遊戲第二日後解放）開放你個島，同時會俾個代碼你。去人個島嗰位去機楊入代碼就得。如果加左Switch主機好友可以唔駛代碼咁開放俾好友入。需要有Nintendo Switch Online會員。

Ｑ：去人地個島時個過場動畫有無得skip？
Ａ：無得。

Ｑ：點炒蘿蔔(大頭菜)？
Ａ：星期日早上入股，平日每日留意價格，啱心水價格時賣去，去朋友島賣都得架。

Q：咁多巴絲分享作曲/畫畫QR Code係有咩用架？
A：遊戲起左office之後可以揀一段仔自製音樂做小島鈴聲，間唔中會起遊戲度聽到首歌。而QR Code scan返來嘅Pattern可以著落衫度，又可以鋪落地度，亦可以用作家俱設計等。

Q：無人島個地型係隨機定固定？
A：一開始會隨機gen四個俾你揀，遊戲進行到一定階段會解鎖整理地型功能。

Q：一個島可以有幾多個動物村民？
A：十個。

Ｑ：合成好慢？
Ａ：狂㩒A可加速合成。

Ｑ：生果點種？
Ａ：掘個窿，再掉個生果落去，等幾日就有收成。

Ｑ：地下有啲金色嘅光？
Ａ：掘開佢會有錢袋，掉返袋錢落去會種到錢樹。

Ｑ：幾點轉第二日？
Ａ：早上五點。

Ｑ：點樣跑同靜靜雞行(唔想嚇親昆蟲)？
Ａ：跑 > B，靜靜雞行 > 細力推磨菇，捉昆蟲時持網可以長按A預備。

Ｑ：鋪左啲畫落地下點del走佢？
Ａ：Y

Ｑ：點掛自製畫去牆／著畫...?
Ａ：去設計app度揀幅畫。

Ｑ：唔夠樹枝！
Ａ：搖樹，同一棵樹可以多搖幾次

Ｑ：石頭/礦石無晒點算？
Ａ：用鏟／斧頭鋤石頭，下面Ｑ＆Ａ有張圖係秘技。

Ｑ：點樣成棵樹移植去其他地方？
Ａ：食完生果可以成棵樹掘起，再去第度掘個窿種。

Ｑ：點解石頭一劈就爆？
Ａ：你食左生果，特效係會劈爆石頭。

Ｑ：點一機多人玩？
Ａ：首先部Switch要開多幾個profile先，再用嗰啲profile入game做教學。之後隨時用遊戲電話app「召集村民」即可。

Ｑ：玩到幾時先有______？
Ａ：玩落去咪知囉

Ｑ：有啲氣球飄下飄下點射落來？
Ａ：用丫叉

Ｑ：點樣擴大個背包？
Ａ：用5000miles可去狸貓ATM換「口袋整理技巧」

Ｑ：點拎丫叉/鏟/杆/梯...？
Ａ：玩耐啲就有多啲捐野俾狸貓/貓頭鷹，多啲同NPC傾計。

Ｑ：點去「外島」／「下西洋」？
Ａ：去狸貓ATM買機票之後去機場。

Ｑ：「外島」有咩特別？
Ａ：有機會有稀有花 蟲 魚 礦石，有巴絲話毎個外島都有一個蜂巢同一件家俱(可能要搖多幾次樹)，間中會有漂流瓶。

Ｑ：一開始點拎多啲鐵礦石／其他素材？
Ａ：2000哩數可換機票去啲素材豐富嘅島。

Ｑ：點釣魚？
Ａ：瞄準魚頭，咬實左魚竿先拉佢上來。

Ｑ：有無私人儲物空間？
Ａ：有私樓住之後就有

Ｑ：點叫醒海邊隻海鷗？點揾佢要嘅野？
Ａ：同佢講多幾次野；留意沙地有野識噴水，掘開佢。

Ｑ：無位擺野！啲野周街放有無問題。
Ａ：擺住出面先；無問題。

Ｑ：啲屋/設施可唔可以調位？
Ａ：有office後就可以調。

Ｑ：點拎多啲礦石？
Ａ：好似幅圖咁整三個窿先再掘。


Ｑ：巴絲分享，外島捉狼蛛攻略。
Ａ：


設計無人島
https://planimalcrossing.com/nh/start/
設計無人島國passport 機票
https://www.dodoairlines.com/
設計任意pattern, 可生成qr code scan落遊戲度, 可以匯入任意圖片
https://acpatterns.com/editor
分割圖片做幾個正方形，方便轉成更高清pattern，搭上面一齊用效果更佳
https://pinetools.com/split-image
設計無人島主題曲
https://tunes.nooknet.net/

4月頭 - 復活節Event


4月尾 - Earth Day Event

People are using Animal Crossing: New Horizons for birthdays, weddings and dates while stuck inside
https://www.eurogamer.net/articles/2020-03-27-people-are-using-animal-crossing-new-horizons-for-birthdays-weddings-and-dates-while-stuck-inside

傳銷

https://redd.it/fqyeyy

https://www.facebook.com/voiceinfinity18/videos/3645770592162850/?vh=e&d=n

鎮post之寶比台仔虐待

笑死

想加好友一齊玩
有櫻桃有桃有蘋果 想要梨同橙
6757 7114 1314

點呀你地
唔買Online plan 點樣Online連人地個島呀？

我覺得新入坑console gamer唔知無乜問題
玩開pc既點會諗到online同人玩依樣本身你有寬頻就做到既事要另外比錢咁on9
而老任自上年都收埋一份令到 console online要比錢反而成為常態兼常識
其實好可悲

老任初出Switch既時候，係有講online要付費
只係初時話免費至少一年比玩家用，先有錯覺以為online is free

有無人有健身用品？

我瑜伽球可以互摸

講真
屌Online要買Plan之前我想屌DLC呢個風氣多啲囉

我有,但你有咩種子

其實family plan夾到8個都係3x蚊一年, 我4個夾緊都係一人7x

加過留名入

冇梯係咪唔好去外島？

你唔去你有排都未有梯

唔夾都係155一年
食少餐好嘅就係返度

橙島 未買Plan有冇人缺腳呀Family plan