白羊男消失了,有其他白羊男求救嗎?

本人和白羊男拍緊拖，最近開始都有D冷淡左，加上我自己唔夠敏感，都冇好好處理到。

係大約兩星期前白羊男就已讀不回我，我去IG比反應佢個story，佢有出另一個story話我咩都唔知，之後又出左一個story問感情淡左點解就一定係仆街？再之後就整左個story poll係4首分手歌。佢好似好唔開心好憂鬱咁。

我見到就好緊張，儘管佢冇覆我我都有Whatsapp佢，佢都係無覆，到後尾佢unfollow左我個IG(但佢冇Del走我個follow)， 好似當我唔再存在咁，我又覺得自己好似會太煩，我就話我會等佢，唔會再煩佢啦。

咁其實到依家咁既地步，我重有冇機會可以番到佢身邊？我唔知道可以點做，事發時佢咩都冇講過，連分手都冇講過。到底咁多位白羊男係分手時會點做？同埋照牌面睇我係唔係真係冇哂機會？有冇人可以幫下我

白羊個個都一鳩樣
放低好好放過自己啦絲打

自己走啦 佢唔想自己做衰人
利申試過 白羊

放唔低啊，我重係好愛佢
我同佢一齊時太開心做過太多野
係唔係真係無任何補救方法？

個良心有冇痛

我都最憎連分手都唔撚識講就消失，好似語言有障礙咁，又已讀不回，感覺上似拖住人癮勁賤，而家佢似係等有機會就會R下你咁，
要你睇佢d post, story節磨下你先,令到你傷心一排，比你覺得佢冇左你係得，但你冇左佢就唔得咁，如果你un埋佢，佢應該就會死死地氣follow番你架喇，不過前題係佢仲未放棄你先會f番你

感覺好似好冒險，如果到最後佢唔follow番，我就同佢就會斷曬聯絡依樣係我唔想嘅，依家日日我都係到睇住佢whatsapp有冇online，好驚佢會Block埋我

唉，我同你一樣啊，佢上線上得密唔密先

佢正常時間都有上，番放工啊起身果啲時間有上

其實依兩日佢story好似都正面少少，有同人講笑，但係佢都係無搵番我

同埋對上一次嘈交佢都有搵番我，上次佢有block我 whatapp, unfollow我ig，今次反而冇block到我，同埋我比較執著嘅點係佢都無講過話分手唉，我係唔係太天真，我嘅經驗真係唔多

成件事白羊男係咪因為覺得你以前唔care段感情？然後對你心灰意冷先，人總係失去既時候先學識珍惜。可能佢比左好多次機會去改變你，但你都係冇乜改進，不過我覺得唔講明分手既原因係因為要為自己鋪定後路，因為佢都未唸清楚，可能有機會會一齊番

勁似我同男朋友嘈交果時會做既野。
我講下我點解咁做，因為我要比佢知道我好嬲，我一定要比個下馬威你睇，我係食住你架喇，只可以我block你un你，而你做唔到！
同埋我冇左你都可以好開心，需你就唔得，你仲唔快d黎做狗仔咁氹我

我都知道我自己係有野做得唔好，先會攪到咁。我覺得絲打都講得好岩，我改進得慢，可能唔夠佢對我冷得快先會導致今次嘅結果
我都有好比心機做好自己，但係都係黎唔切咁，依家好似想要多個機會都冇咁好唔甘心，好難接受

但係我氹佢都無反應果下先死
對唔住有講左，承諾會做更好會再成長得快啲
但係都係無反應好灰機

佢只係想拎番個成就感，或者已經對你死心絕望，不過我覺得你要幫自己set番個限期，如果搵多幾日佢再係唔覆機，咁你就無謂再拉低自己面子傷自己自尊去又A又氹喇，ed人唔值得，let it go 。
不過我覺得你可以試下唔好搵佢，唔好比佢知近況，搞到佢好奇。

真正唔想你再騷擾既人點會只係已讀你姐，如果係有人騷擾我既話，我一定會打句屌你老母你咪撚再煩9我啦，或者直接block你啦，點解要睇你send d咩比我姐係咪先，ig果度佢會唔會係由佢d朋友既ig睇到你近況，所以先會敢un你

我覺得我依家咩都做唔到，只係可以係到算等佢番黎咁

佢unfollow左我了，我account係private，佢已經接觸唔到有關我嘅任何野了

如果照咁睇……可能佢已經死心絕望左都唔頂依樣係我最唔想發生嘅野

比較少共同朋啊我地，應該都唔會咁樣睇

我都好煩惱係，既然咁絕嘅話，點解唔會block晒del埋我個follow

所以話咯，佢跟本就未死晒心，仲有機會既絲，不過都係果句啦，比自己一個限期，三個月好喇，總要more on既

好啊，唔該晒絲打

move on打錯左tim
又或者你可以試下咪睇佢d story 比佢緊張下

都好喎可以試下咁，要自己忍耐下

如果白羊嘈交or發脾氣，其實好少會已讀不回
因為佢地根本忍唔到
但如果無預警del or unfollow又已讀
佢應該自己一早諗定要分手
唔想做衰人，亦唔覺得會好返，所以連機會都唔比你
你同佢鬥冷佢好快會識第二個
你要對症下藥or做到佢肚條蟲先會work
唔好抱太大希望

唔好比太大希望
我之前散都係乜都無del無block已讀
因為對方又無做錯事，真係唔識點開口
都會覺得自己好仆街，
但又或者其實都知大家唔係真係好愛大家

你搵佢搞野應該會出黎既 不過都唔好期望太高
利申真白羊