管理式村屋 / 村屋討論

有冇人討論下邊到村屋唔錯，搵唔到好多有那管理式

最好問地產，或者問下識唔識啲原居民

有冇人知邊到比較多有管理式？

藍地豫豐

邊度多套丁就邊度好
通常向西北個班係多d

係咪有管理比普通村屋好？

青山公路米埔數起去到錦繡都好多
有管理當然好好多
份契都清楚啲

係咪預左無得換管理公司？

有管理真係好好多…留名…

希望大家有高手可以比D名黎我上D地產網真係搵唔到

十年前屋企人差唔多買左依到 最後買唔成

係，成個屋苑每條路都有業權，無所謂common area
之不過嗰班人唔會收返條路但亦都唔會點理
你house業主加埋都唔會夠票

樓主邊區返工。

灣仔，大約手頭上一百萬同一層樓，無月入自己公司

就咁買村屋真係好怕搞唔清楚地契果類野

錦繡有d貴

想買村屋 係咪閒閒地都要有200萬cash

一唔小心好易搞成咁

村屋係唔係估價未必估得足？可唔可以做高成數按揭？

基本上村屋除左地方大啲環境清幽寧靜啲就無乜可取
而且買屋苑式就最保險
如果唔係最好課左金租返兩年住下先
了解下條村嘅原居民係點
起碼大家識嘅將來你買樓佢就唔會搞你咩都有商量

大部份村屋地點唔方便
起碼轉一程車先出到市中心轉九龍車
如果你打算唔生仔咁就無乜野
生仔嘅咁小朋友就要諗送返學，唔好預一定有校巴，唔係間間幼稚園小學都有
買餸買日用品一定唔方便，有啲村甚至落左車行五分鐘先到村公所行到你屋企分分鐘十分鐘，落大雨就好麻煩（當然落狗屎搭的士算）
當然你可以買架車啦，但買車要睇清楚路權，就算你住地下泊入花園都有機會村民收唔到你泊車錢收過路費，但租佢地泊車位都唔係好好多，屋就愈黎愈多，車位得咁多，佢地奶到盡係咁租車位出去泊到倉庫番咁，有時都唔敢太夜返黎
仲有如果唔係住屋苑式村屋，咁你買著個隔離日日發癲嘅就慘
我有朋友住地下果層（租），但佢隔離戶三唔埋兩日開party，凌晨兩點仲大大聲吹水搞到無教好訓，試過好言相勸問佢細聲啲ok？人地理撚得你啊人地果度買左架，最後佢打算完約都搬走，你可以試下同村果啲人投訴下，但你唔知對方咩勢力到時原來佢係村民就變左你畀人針對。租就話可以完約走人，買你唔通隔離屋嘈嘅又賣左去
結論都係，買屋苑式算

係，身邊太多買錯村屋真係蝕都要走

中肯

以前就係，近期就做到八成按。