新手想領養貓(求推介)

聽人講Spca啲貓好搶手，好難先領養到

有冇巴絲可以推薦一下
有咩機構容易啲領養到貓

同埋聽講有好多貓義工都會撚人一大輪最後唔比領養

有咩機構係唔會撚人又容易領養到貓

求各位幫幫手比下意見

貓嘅話好似間間都難
始終貓義工大部分都閪閪地
不過聽聞領養成貓（1歳以上）會易少少
巴打可以試下領養啲兩三歲嘅貓

http://www.lap.org.hk/adoptcat.aspx

Btw 可以問下呢間
要家訪

唔該囇巴打
想問下除咗裝好窗網之外，仲有啲咩要喺家訪前準備

最好買定晒啲日用品
貓砂盆啊嗰啲咁

收到唔該巴打

最近唔知點解SPCA無晒貓
之前高峰期webpage有三四版
(好事）

而家睇得4隻

5隻先啱

呢期SPCA真係貓荒，
其實除咗漁農處外，
另一邊都有靠啲獨立義工比貓佢地
但呢排聽啲義工講呢排冇咩人比貓佢地
同埋加上肺炎可能冇人捉貓
可能過多兩個月應該就多返啲貓掛，
開始繁貓期我諗

覆返樓主先
我前排都係spca睇中咗隻貓仔，
頭一日出post，
同日已經同埋另一半專登山長水遠搭咗成個鐘車，
出到佢領養中心到睇貓仔，
諗住同職員傾下計，填form想申請領養，
但唔知佢趕住收工定點，
填完form講兩句就想打發我地走，
本身預備好曬啲資料，有住址證明又裝好曬網，
諗住比佢睇，點知佢問都唔問，
求其問兩條問題，
問有冇養過貓就叫我地返去等消息（有養過十幾年貓）
之後仲聽到佢同個同事背後係到嘲笑，
話「今次貓仔實好多屋企返啦，有排睇」
明明十年前去SPCA個感覺好好，宜家感覺真心好差

Btw其實fb好多網上領養平台，
可能由幾個獨立義工組成
個到啲貓相對上競爭會少啲，
頂多可能一隻貓大約5-6個家庭爭，
上次問SPCA原來有成20個家庭爭一隻貓
你可以睇多幾個平台，
例如天下貓貓、香港領養寵物/動物、喵之亭、連寵拯救隊、期待回家之類
但真係唔好介意家訪，
多數好既義工都係冇收錢專登山長水遠黎睇，
當然義工都有老鼠屎，
但總好過問都唔問，
好似spca求其睇眼緣簡一個順眼家庭比就算

利申：前排係上面其中一個平台成功收養一隻嗲豬貓b

山上貓狗協會

唔該曬巴打本身都有留意fb page 不過唔知邊個page啲貓義工唔好 試過上網睇話搞完一大輪都得個吉 所以就上黎問下有邊度好推薦唔該曬巴打推薦咗咁多page我會去留意架喇

btw 佢地知道係新手會唔會好難比我領養

唔該曬巴打

可能真係每個義工既準則都唔同，
有啲都會prefer要有養貓經驗
（有機會因為隻貓既性格問題或者身體健康問題）
但有啲亦都唔係最著重有冇經驗，
其實只要對答正正常常，比人睇到有誠意，
唔識就謙虛請教，
同人講話自己雖然係新手，
但如果有野唔識都會學習，
叫義工教吓你

另外係屋企預備好曬啲野，
有食物兜、水兜/水機、貓砂盤、裝好窗網，
（起碼呢啲基本野本來都要準備既）
貓糧就問返義工隻貓食開邊隻糧，
到時成功領養就即刻買。
咁我諗義工上到黎家訪都會覺得你有心養既

而有啲case會領養成功率高啲，
例如有啲貓要一對領養，
好似貓媽媽加佢個仔/哥哥同妹妹之類。
好多人可能只係想簡其中一隻，
咁你又願意一對帶佢地返去，
咁義工都會優先考慮我諗
好似喵之亭我見佢長期出post但啲貓都滯銷，
你可以pm佢地問吓，啲貓都幾可愛精靈

唔該巴打咁我準備好哂啲野就試下申請

等你好消息有回音到時附主子圖啦

我想問家下同貓義工領養係咪仲係好麻煩？
我見好多都要領養人搞到間屋好似籠屋咁款先比
屋企有幾隻窗真係唔會開，佢地都要用網封鳩實

而家領養唔到 所有中心都冇乜貓 有嘅都好多人排住領養
我覺得呢而家武漢肺炎期間呢 啲學生咁得閒 就去領養 都遲啲開學嘅時間佢地就唔得閒 到時好多貓被遺棄