我想澄清返少少野
第一,我所講既冇人幫又冇錢,並唔係大家聯想到咁完全冇人理。只係溝通上既誤會,我想表達既係有手足係出發前同我講話加拿大呢邊物資係乜都有,所有野都有準備好,叫我連錢都唔需要準備就過黎就Ok。咁當然其實要自己準備好係完全冇問題的,我唔係怪家長唔肯養我,只係同個位手足所講既有落差,令我落地之後手忙腳亂失左方寸。而實際上落地之後係馬上有家長接應我有屋住,而唔係我文字上講冇人理咁樣。呢度我需要同家長道返歉係我表達得唔好。
第二,去廁所冇廁紙用呢件事,係由我搬到黎呢間新屋第一日既時候。係因為呢間屋係新租既,所以入面其實算係吉屋一間,好多野都係由我同呢度既手足後來再去搬既。但我想講既係都係溝通上既誤會,我出發去新屋之前問過有d咩係我需要買既,收到既資訊係一般生活用品都齊全。但係到左之後先發覺所講係有基本傢俬。所以先會導致第一晚去到新屋咩都未準備好。令到各位有所誤會既好抱歉。
第三,關於沖涼要用凍水沖。呢樣野好對唔住,小弟完全係無心之失,我只係想打要用清水沖,只係因為溝通上物資既情況有誤會先會冇買到沖涼液洗頭水呢d野。絕對唔係我講到熱水涼都冇得沖咁差。我對呢句說話十分抱歉,絕對係無心之失。
第四,亦都係到左新屋企之後廚具未搬好,都係後來再同手足係各位善心加拿大家長捐出黎既時候再搬到新屋既。所以家長並唔係我形容到完全唔理我地一班手足。
最後,因為小弟不善於表達,導致誤導左各位,以為加拿大家長對手足不聞不問。實際上,家長出心出力去幫助我地。令到各位對加拿大家長有所懷疑,我小車手係度重新再道歉一次,希望以上可以釋除對加拿大善心家長既疑慮。真係好對唔住!