剛剛分手既你，入黎傾下，大家互相扶持好嗎？（74）

好似好嚴重

你分析得好好
過後 佢都真係有咁同我講
佢覺得 佢點做 都做唔到我想要的要求
甚至覺得 我值得去搵過一個比佢條件更好的人
的確 我地已經唔同步了 ..

唔擁有 又點再一齊 ?

嗯 依家叫好左D
食住藥 覆住診 有人陪住
最初 日日都崩潰喊 大叫 想自殺 絕食 ..
一出街就驚 會暈 會手震 急尿 血尿
依家叫可以慢慢係屋企附近有人陪住行下 出去一兩個鐘
不過時間耐左 個D 不安感就會出黎 ..

期望將來 佢都會睇到
我都期望 我可以見到更好的佢 ..

我唔知我咁諗岩唔岩
既然佢話發現到自己淡左係想改變關係而唔係直接走
即係佢都有心想同你繼續行落去
要知道結婚對於好多男人黎講都係墳墓
我唔信有人會想咁走險用結婚黎試

改變人地諗法仲不如改變自己諗法黎得容易
你都要諗下如果真係一齊返
你可唔可以接受到對方係冇改變
佢照舊人工低過你 會想留係原本公司 唔想進修

呢個範圍我唔識唔敢亂comment
其他人未必可以直接幫到你啲咩
但要知道有人係你身邊陪住你
你有需要嘅時候都有人係到