【長文】黃絲YouTuber收入大公開！

妙詩吟 · 2020-03-24T18:01:58+08:00

連豬今日帶大家睇下表態之後嘅YouTuber收入！戴咗頭盔先以下內容只係連豬嘅所見所聞，並不代表所有YouTuber。首先我地睇下大J係19年分享嘅收入：可以睇到主要係分兩part， YouTube分紅 + 接廣告。 FatFat啦成五皮嘢！可惜嘅據連豬所知，大部分表態之後嘅YouTuber六月後就冇廣告贊助，連比較知名嘅大J都係近期先有一單遊戲贊助。只剩下$15000 + 1750 = 16750 一萬六聽落都唔錯啊，仲高過大學生！留意返，一萬六係要有大J嘅高知名度，再加上日日出片、有做直播有道尼先有咁嘅收入。現實係大部分嘅YouTuber連盈利都未可以開啟，收入除返製作時間練最低工資都冇。又或者有盈利但被各種YouTube政策影響，唔係佢地啲片低質素喎！就算受歡迎多人睇嘅影片，被黃標之後收入都係第三世界水平。 https://www.youtube.com/watch?v=p-GzO8Jem_w 總結： YouTuber表態後冇廣告收入，連影片收入都受黃標問題困擾，需要依賴光合作用維生。連豬唔係想情緒勒索任何人，只係講個現實比大家知。而更現實嘅係：低收入問題唔單止YouTuber面對，香港仲有好多創作者都面對依啲情況，例如音樂、設計、插圖、文字等等等等。我地唔應該只關注YouTube圈，我地更需要關注嘅係香港文化圈。連豬希望各位繼續大力支援同路人，等未表態嘅人知道佢地表態後係有同路人Backup，甚至收入比表態前更好，唔需要害怕表態。支持本土創作，光復香港文化！