（揀科撚）興趣 VS 前景/錢途

當年揀咗興趣 而家食緊屎

都要睇吓你有無能力，有錢途既科唔係個個讀得掂

專科反超

老實講 真係鐘意嘅話其實唔會理咁多 一定狗衝先

我唔係架

我係窮撚
我對乞食科同錢途科(bba)嘅能力差唔多
但係我從來冇諗過要揀 bba
因為我對商業真係零興趣 不過考試分數高
我只係覺得有啲可惜嘅就係明明自己(應該)有讀bba嘅能力，bba呢啲會好搵好多，但唔鍾意都冇辦法。

樓主本身對咩科有興趣？
係咪入咗CS先發現對呢科冇興趣？

利申 醫院科想轉CS

對BA有興趣
不過都係揀錢

BBA係錢途科？
你讀完入bank做teller 好有錢途？

如果你既興趣 可以成就自己成為業界專業既 就揀興趣

如果個科既前景/錢途好好 而自己又應付得黎既
同時 自己無任何興趣 / 只係興趣 而唔係自己比人地優勝既地方
就揀錢途

中六個年我好確定自己要讀乜未來想點，
但四年大學會改變你好多，好與壞都有。
我就係大學諗左好多野，成日質疑自己，
大四畢業個陣同啲老師傾左陣，
有樣野覺得佢幾有道理，
佢話依加世界唔再係以前咁，讀書，畢業，返工。
如果屋企無負累，其實真係應該把握機會學多啲同見識多啲。
唔係話一定要畢業搵份mt兩三萬一個月，兩年升職加人工，結婚買樓咁routine先叫成功。
如果社會咁耐以來有進步過，其中一樣絕對應該體現在人有愈黎愈多選擇嘅自由。
當然講到底，都係應該問自己想點，想過咩野嘅人生，做啲咩野。如果你想搵大錢30歲退休，咁其實唔需要讀大學，學炒期貨商品會仲直接，大把人由幾千炒到幾十萬幾球野（再炒到變返零）。所以揀科，我覺得無絕對答案，最緊要都係同自己deal，講到尾都係做比自己睇。

話你知，8,9成bbq學生都係揾緊萬令蚊，
淨返果d就係sales, 跑數，保險
叻果d mt, 但一間銀行得幾個位
no. ff bbq做到金融才俊

Engine係傻仔先會走去讀

係唔係搞錯咗啲野
BBA 非考牌類如management, marketing 嗰啲都係乞食科咋喎

如果屋企無負累
呢個係重點

成個po講得最好嘅一段
連登仔一定叫你揀錢途，其實上嚟問係冇乜意思
但係最緊要係你依一刻相信自己唔會後悔，不過真係後悔咗都冇乜嘢嘅，我覺得天無絕人之路，點都餓你唔死
對得起自己就夠，人生如果淨係追求錢嘅話的確係太dull(對我嚟講啦)
其實depends on你自己追求嘅嘢係乜啦，如果係安穩富足嘅生活，我會建議係揀搵食科
如果係想喺係鍾意嘅area裡面搵到追求知識嘅滿足感，就興趣科啦，前提係你經濟能力唔太差
利申 棄咗人哋眼中嘅神科，去咗外國讀自己鍾意嘅科(stem類，其實未乞食得曬)，想讀上去phd並且唔會喺香港發展

付出同收獲遠遠唔成正比

能力先係最重要
有興趣唔代表你有能力
而你係呢個興趣上幾有能力
你自己要衡量清楚

如果你對乜科都冇興趣 只係想要degree
可以揀錢途

有 商錢途科係gbus qfin果d

你既興趣未必真係你既興趣

睇你興趣有幾唔搵食