是咁的，有一日佢拎住份文件係走廊跑緊，而我咁啱無聊望窗，一迅間，我見到佢，徹底比佢既英姿迷住左。即使到依家，我都依然記得果一刻既畫面。後來大個之後，同朋友講返，我先發現原來依種感覺叫一見鐘情。
自從果次之後，每當上堂既時候，有人影經過窗外面，我都會立即拐轉頭望下係唔係佢。
後來，我鼓起勇氣，主動去接觸佢，終於成為左會傾兩句既朋友，我份人性格比較隨和，乜都無乜所謂咁，無乜原則既一個人。為左令佢對我印象深刻D，我經常執住D事唔放，堅持同佢講原則。試過激到佢好嬲，但最後又會同佢講返對唔住，雖然我覺得自己無錯，因為大家大部分既爭論都係觀點立場既唔同。
畢左業之後，佢去左英國讀書，而我留左係香港，一開始大家都會whatsapp講下大家既生活，但隨住時間既推移，大家既對話慢慢只剩低：「你最近點啊？」「幾好。」
本來以為大家既緣份已盡，點知有一日佢又突然whatsapp 我話不如我地寫信聯絡。果一刻我真係好開心，因為我都有咁諗過，不過我份人比較自卑，唔敢主動提出。
我地互通左一年信，起初想放棄，因為寄一封信過去，差唔多要一個月，佢收到寄返比我又一個月。一來一回有時加埋郵件延誤，三個月先互通到一次近況。
因為每一封信寄過去都要成個月，所以我每次都寫五六張紙比佢，但我本身中文麻麻地，寫封信完自己讀出黎都覺得1999，我擔心佢睇完對我印象會變差，所以我每次都會用一日寫完又改寫完又改先敢寄出去比佢。
佢係學校既高材生，成績好好，寫比我D野好有詩意同有深度，佢份人平時好沉默寡言，好少長篇大論，無論真人同whatsapp都係一句起兩句止，所以每次見到佢寫比我幾張紙全部都寫滿字既信，我都會覺得好感動，好開心。我一開心個人就會手舞足動，不停跳開心舞，跳下跳下唔小心將個手機fing左落地下，我即時執返，發現個Mon裂左，我想問下有冇巴打知道邊度有平mon換，我用iphone
利申：hehe
返apple換
https://support.apple.com/zh-hk/iphone/repair
link here
後面自膠
作者你好
喜熊否？
熊係咪指肥仔
肉壯
小肥
中肥
大肥
都算係
