右腳痛左幾日 痛到生不如死

極似痛風

平時要減肥，控制飲食
大肚腩嘅通常都有痛風

痛風會唔會死人
嚴重？

唔會死不過要好注意飲食
唔好諗咁多住
去左睇醫生先

多謝巴打

睇左私家醫生 真係痛風症 佢話9成

痛風好長手尾
平時飲食習慣係點?
成日飲酒? 大魚大肉? 少菜少生果?

平時大快活粟米肉粒飯 凍檸水少冰
有時做茶餐廳芙蓉蛋飯 中湯

有時就*

拉筋，尤其小腿
用網球按摩腳掌

唔會啦，我自己坐的士去到急症室，門口有人見我痛到行唔到幫我入去叫姑娘推輪椅俾我，姑娘屌鳩我「行唔到就叫白車啦！咪自己行啊！」

我十二月尾發，去到醫院打支針食埋藥已退七八成痛，跟住戒口食清淡野同少肉好快好返，但極易返發，要keep住食清淡同的起心肝做適量運動等身體血液循環好返啲，啲尿酸先冇咁易積聚响關節。暫時過年後到而家冇再返發過

平時要食啲乜嘢？
如果淨係注意飲食但係唔做運動可以？

你啱啱發緊係唔好做運動住，痛死架

食就紅肉盡少，菇類盡少，椰菜花都唔得，總之「嘌呤」高嘅就唔得
https://www.elderly.gov.hk/tc_chi/common_health_problems/bones_and_joints/gout.html

好返到咁上下真係要做下運動，唔通你長期餐餐齋戒咁食咩，頂硬上啦巴打俾啲掙扎

十成九痛風！痛風通常係關節位，痛腫係因為有晶體於關節位形成。

日後要注意飲食，基本上無得醫，只可做運動+控制飲食盡量減少或令佢唔翻發。

你係圈住腳眼位置痛？還是腳底腳跟位痛？
呢排有冇習慣出入用腳推門代替以前用手推門？我呢個幾月因為經常用腳推門，膝關節同髖關節都有d痛，唔知你係係咪因為咁而扭傷腳眼... 否則如果係腳底腳跟位痛，就九成係足底筋膜炎，輕微既都要睇醫生，食消炎藥，每晚臨訓前浸熱水、呢排盡量唔好企同行咁多，俾腳底足夠休息... 但如果嚴重，就可能要做物理治療甚至手術。(利申，有好多年足底筋膜炎，最痛時試過喊住求醫生幫我做手術)

痛風要盡量多飲水，血液濃度如果過高會易析出尿酸結晶。
另外要避免果糖，即係一切有添加糖既飲品甜品。
真心紅腫熱痛既話，可以嘗試冰敷，可以減少因發炎引起既劇痛，但效果因人而異，有小部份人冰完痛多左。

多飲水，好重要所以要講多次，要多次數咁飲水。

已經飲多咗好多水