有冇人大壓力大到想自殺？

身邊所有野都出哂問題

屋企： 爸懷疑有骨cancer 佢成世人唔煙唔酒超級顧家錫老母仔女
我未出世前 佢半邊身郁唔到 唔知咩事
佢10年前有肝cancer 要做手術 換肝
跟住7年前 有心臟有事 要做搭橋手術
到而家 懷疑有骨cancer
晚晚訓唔到
佢自己都問 唔知自己做錯咩事 成世都要周身病痛
仲話如果唔係有兩個仔同老婆 佢一早頂唔順死左佢算
佢成身都係做手術既疤痕
我又做咩都幫唔到

學校：我仲讀緊u 好多前路既野都好唔明白


愛情：鬧完大交之後都好似玩完左


有時到我諗 係咪要經歷過呢啲先叫成長

但我真係好攰好辛苦 我想一野跳落去
唔想再麻煩到身邊既人 可唔可以比我睡夢中唔好再醒

點解我做人咁失敗
點解冇樣野做得好
我想永遠消失 唔想比再煩到人

有拍過拖算好啦 向好果方面諗
利申 26歲a0 無學歷窮撚無將來

點解做人咁攰
仲要好似驚整你唔死咁
將所有野一次過送比你嘆

When one door shut another open! 頂住呀巴打！

曾經壓力真係好大好想勇敢一次去得到解脫 但發現原來人嘅抗逆能力可以好高((又或者我所經歷嘅所謂絕望始終未大到over到對死嘅恐懼
雖然講嚟都冇用 但係加油啦
捱下捱下或者真係會麻木 即使好多事最後冇解決到

##

見到阿爸每晚痛到訓唔到好心痛

冇一樣係你問題
你爸爸一定唔想因為佢搞到你咁唔開心
希望叔叔會捱得過

加油 如果自己一個承受唔到 可以搵社工幫手 或者去睇醫生 有咩唔開心講出嚟會舒服啲嘅 如果係我嘅話 我多數會放空自己聽吓歌 睇吓笑片都唔錯 點都好啦 希望你爸爸冇大礙 冇事嘅！

樓主加油 其實自殺等同傷害愛你嘅人冇分別 我好羨慕人哋屋企有個好老豆 我屋企人同老豆關係好差 但感恩我媽咪好好 佢會令我想返屋企 想像唔到佢冇左我或者我冇左佢會點 所以盡你所能俾幸福你愛嘅人會更好

由小學開始已經有想自殺既念頭 甚至到依加 有時都會懷疑自己究竟係唔係有情緒病小小事就會好易唔開心 情緒低落 雖然男朋友每次都會氹番我 但始終人都會累會厭倦 好驚有一日佢會覺得我煩 然後唔想再氹我其實如果有得簡 我都唔想麻煩到身邊既人 但無奈地 我真係控制唔到自己啲情緒

樓主要堅強同振作你爸爸都為左你地而好努力咁同病魔打仗 既然佢咁辛苦都冇放棄 你都唔好放棄啊！佢好需要你繼續係身邊陪住佢架相信佢會挨得過依關！好人一生平安！

樓豬唔好咁啦你仲要陪你阿爸打完埸仗㗎大喊一埸冇事㗎啦，大個仔啦唔好要屋企人擔心。你諗下你死咗你屋企人會點？你阿爸會點？

樓主加油！諗嘢唔好諗得太灰 你爸爸會冇事的💪🏻💪🏻

樓主加油
有你哋支持你爸爸會無事嫁

看來你心中盛載著的痛苦，已令你覺得生無可戀。人生之中往往有很多重要的決定，而自殺肯定是人一生中最矛盾、最痛苦，也是最重大的決定。我相信，自殺不是你想選擇的，更不是你唯一的選擇，只不過你所面對的困境和痛苦好像超越了你所能應付的，是嗎？

無論你將會如何打算你的前路，我也希望你不要將困擾藏在心裡，好像氣球裡積存的壓力一樣。你不如停一停，到我們的網站 www.help4suicide.com.hk。那裡有一些與自殺有關的人與事，你可以隨心看看（ http://www.help4suicide.com.hk/myth_showlist.php ）。 你更可以進入網站內的『Chat窿』（（星期一至五：上午六時至凌晨一時；星期六、日及公眾假期：下午８時至凌晨１時），即時與我們的義工在網上交談，或致電我們24小時電話熱線2389-2222，與我們的義工傾訴。

我們願意聆聽你的心聲，伴你一起走過這段艱難的時候！只因『晴天雨天要樂天，難關難過總會過』！

《自殺．自療．互助舍》

你爸爸咁辛苦都想見兩個仔女大 多一年算一年
你要做好d比佢睇 唔好死

聽到都慘，呢d野全部一次過黎，你頂到都唔容易架。
正如上面講，呢d野你無辦法既，唔關你事，你而家可以做既，就係好好對屋企人，佢地都好擔心影響你，你要表現得堅強，唔好要佢地操心。

曾經試過工作壓力好大，成日OT 到midnight

有時 break 會行上天台唞下氣，點知會自己喺度諗「跳落去係咩feel?」、「好辛苦不如跳落去一了百了」

當時好彩即刻抽離到自己，覺得好驚，點解自己會諗跳樓、自殺呢啲事

之後禁止自己行近天台，後尾冇耐就轉咗工，之後好轉返就冇再有呢啲念頭

活著便精彩 唔開心時大笑3聲
睇下隻豬仔勇往直前

就讀完書前路茫茫呢種心態我都經歷過，但有時發覺原來唔使諗咁多，條路9行都係行到，因為計劃趕不上變化，諗完一餐到頭黎出現左一樣野就成個結果唔同哂，又或者好多野都係整定，有d野會導致之後某d野出現，所以而家好多時我都會抱住以上嘅心態，會令自己放鬆d

加油 雖然依句未必即時幫到你
但係到既大家會支持你
如果你真係自殺
就白費左你爸爸咁多年
為左你地醫番好個病 賺錢養你地既辛苦
撐落去先對得住你爸爸