https://youtu.be/aDqMJGXupn4
2020年，又到咗美國十年一度嘅大型人口普查， 聽落去好似無乜特別，但其實同香港人有好大關係！就算你無美國passport，過咗去讀書都規定係要參加！今年已經係美國歷史以來第23次嘅人口普查，但到今時今日亞洲一欄下仍然無「台灣人」同「香港人」呢兩個選項[/5ed]，台灣人嘅數字依然被政府列喺中國人嘅類別中，而香港人就直頭無數據，[red]直接被加入去中國人個數字。
雖然係咁，台灣人喺過去四次普查都不斷咁呼籲自己友填返台灣人，最後喺上次2010年嘅普查中，由2000年嘅十幾萬人升咗65%去二十幾萬。當我同台灣朋友講，香港人無人搞呢啲campaign時，佢哋都好驚訝。
所以今次，到香港人啦！呢個Campaign好簡單叫做 U.S. 2020 Census: Write in Hongkonger 2020人口普查：我係香港人，係由新組織We The Hongkongers發起（背景唔多講自己睇），希望叫所有居美港人剔番「其他亞裔」一欄，再寫番「香港人Hongkonger」上去。
喺未來呢兩三個月，我哋會喺不同嘅網絡平台落廣告，包括Facebook, YouTube, Google，亦會去社區中心、餐廳呢啲多港人聚首嘅地方宣傳。我哋會製作一套文宣同產品，已經拜託不同美國城市幫手，喺佢哋嘅城市到派文宣，同時與不同團體洽商搵贊助。喺咁短時間內要execute成個marketing嘅campaign，係需要大量嘅資金去支持，所以我哋成立咗一個GoFundMe，希望可以眾籌到最少$60000美金去繼續籌備落去。我哋嘅目標並唔係一班美國手足，而係嗰啲一直有大中華意識、喺香港移民過美國嘅人，要佢哋知道，其實佢都可以寫番自己係香港人。我哋唔奢望喺最後份報告上面，香港人唔會再喺中國嗰個分類下，但我哋好希望可以有香港人嘅一個數字，代表我哋存在喺呢個國家入面。
個普查其實已經開始咗，陸陸續續有人收到填寫嘅詳情，仲有啲人心急填咗，點知又填錯咗
。所以呢個Project真係得緊急，好需要大家幫手。大家可以以個人或組織名義去捐錢，而我哋為了答謝你哋嘅貢獻，將會將你寫嘅名稱紀錄在我們的活動網站，分不同嘅級別去列舉。詳情請睇：
眾籌網址：https://www.gofundme.com/f/us-2020-census-write-in-hongkonger
眾籌網址：https://www.gofundme.com/f/us-2020-census-write-in-hongkonger
眾籌網址：https://www.gofundme.com/f/us-2020-census-write-in-hongkonger
如果你無錢，唔緊要！麻煩你哋幫手喺Facebook同YouTube share下條宣傳片
(facebook: www.facebook.com/wethehongkongers/videos/549389139015795/) ，等多啲人知道我哋係可以填香港人。
如果你有與趣去幫喺呢個camapaign，你亦可以去 www.wethehongkongers.org/campaign-work 上填寫表格。
最後，如果你係喺美國，無論你係咩公民，你都有權力同責任去填寫呢份Form，所以留學生都要出動啊！