[Switch] 集合啦！動物森友會 | 動物之森討論區(6) 無主機買啦唔洗問

大峽菊🌼 · 2020-03-13T17:00:44+08:00

Q：隻game玩乜？ A：比較休閒嘅第二人生。隻game時間係跟現實時間，亦慶祝現實節日例如聖誕，復活節等等。遊戲著重你同動物森民嘅交流互動(隻隻都有自己性格)，慢慢一齊生活了解對方成為密友。今隻主題係無人荒島，亦新增合成元素，你要由零開始還債建設你心目中嘅理想小島。遊戲節奏輕鬆，減壓用一流。 Q：Online 玩咩？ A：你可以去朋友／網友嘅島度一齊開party，一齊hea，一齊砌野，一齊炒股票蘿蔔。此外應該仲可以一齊去其他島度一齊玩。 Q：咩版先有中文？ A：乜版都有中文。 Q：單機會唔會無咁好玩？ A：唔會，隻game係單機game，主要都係著重起你同動物之間嘅交流互動同埋打理你座島。不過多人連機時一樣有野玩咁解。 Q：對手掣好靚，有無得單買？ A：暫時只見日本My Nintendo Store有得買，但係唔收香港卡同唔寄香港。更新: 原來已更新可以用PayPal俾錢 Q：可唔可以用返以前啲Amiibo ＆ Amiibo Card？ A：可以。 Q：買game實體定下載版好？有無黃店推介？ A：隻game預你日日開來玩一陣實係下載版好，仲唔怕會益代理，真係怕唔啱玩要買實體我會建議你幫襯黃店買水貨。Read: 黃藍黑Game舖大集合 https://lihkg.com/thread/1686000/page/1 Q：同一部機唔同user save係共通？！ A：無錯，一部機全部user都係住同一個島。 Q：係咪無Cloud Save？咁我壞機點算？ A：無。但官方講法係「Online會員專用壞機／唔見機時尋回save file功能開發中」好反智 Q：係咪無得轉移個save去第二部機部度？ A：暫時無。官方講法係「動森專用機對機save轉移功能開發中」 Q：無人島個地型係隨機定固定？ A：一開始會隨機gen四個俾你揀，遊戲進行到一定階段會解鎖整理地型功能。 Q：一個島可以有幾多個動物村民？ A：今集未知，估計係十個左右。 Q：有咩動物村民？ A：今集總共有383隻好似係。全村民「圖鑑」未有，但根據歷作會有鱷魚／食蟻獸／熊／鳥／牛／貓／雞／鹿／狗／鴨／鷹／象／蛙／羊／倉鼠／河馬／猩猩／狼／虎／松鼠／犀牛／兔／豬／企鵝／八爪魚／鴕鳥／鼠／馬騮／獅子／袋鼠／樹熊／馬... 歷代全角色(好多頁): https://animalcrossing.fandom.com/wiki/Category:Characters 港版特別主機(電力加強版) ※並非數量限定商品。日後將預定再次生產 -( https://www.nintendo.com.hk/topics/article/a_200131_02.html ) 預定3月13日發售 3月7日接受預訂預訂店鋪一覽: (官方頭盔: ※預訂及商品在庫狀況因店舖實際情況而異，詳情請向各店店員查詢) https://www.nintendo.com.hk/hardware/switch/store/animal.html 入手請幫襯UNY/APITA/AEON/豐澤 (唔經代理拎貨) 召集所有3DS版熟悉的面孔同新人一齊加入