屋企廚房有老鼠點算好

sorry.無經驗。

野味

放野食 放多幾日
Btw老鼠唔煩
老鼠屎先煩

有相睇未?

老鼠膠好有用的

呢個留名跟進

試過
1823投訴
房署會比10幾執老鼠膠你

房署唔理

屋企有老鼠膠版，本身已經有老鼠膠係上面個款
但係嗰塊板好似有啲細
所以上次隻老鼠先走得甩

好勇，佩服
我連行入廚房嘅勇氣都無

咁應該用老鼠籠到老鼠膠會好啲？

用籠，去五金舖買。夜晚訓前先放都得，餌可以用叉燒/蘋果。記住唔係放一日就一定捉到，你要每晚換餌，個籠放返同一個位，唔好轉位。

蘋果使唔使切左先？餌洗唔洗每日唔同款？

唔洗成個蘋果，切一忽出嚟做餌，其他你可以自己食咗佢，你屋企邊度有鼠屎就放嗰個位/附近d牆邊位試下，屋企有老鼠就多數廚房/垃圾筒附近/長期唔郁嘅雜物會搵到鼠屎

蘋果唔得就試下叉燒，加d麻油落舊叉燒度就更好

d餌最好就新鮮日日換

掂個籠同換餌就戴口罩手套

室內屋企就唔好用鼠膠/鼠藥 用鼠膠d老鼠死咗無體溫d跳蚤會跳曬出嚟 用鼠藥d老鼠就會死咗會發臭搵唔返佢條屍你就

樓主如果係公屋 搞唔掂嘅搵房署搵食環 唔好打1823 直接打去office

捉到記得用垃圾袋入住等人黎收
佢地d尿好多箘架
最後最緊要消毒

好丫，唔該曬你丫
我今晚試下

如果真係捉到，隻老鼠我應該點處理？

話說頭先有人幫我打開咗個已經畀老鼠咬穿咗嘅櫃檯
入邊有老鼠屎
個櫃桶係木櫃嚟嘅，我應該成個抽出嚟扔咗佢？
但係我真係唔夠膽打開佢，滅鼠公司或者清潔公司會唔會可以做呢啲嘢
因為我發現好多滅鼠公司度就咁放個籠喺度(之前上網搵過)，唔會幫你處理呢啲後續

Call漁農收左佢？佢哋係咪會做㗎

食環

你依加知佢喺邊度出沒就放籠捉隻老鼠先，就算捉到都要繼續放試下有無第二隻，除非你100%確定得一隻。

如果唔夠膽，姐係搞唔掂啦，要搵人幫，唔想搵房署食環咪搵下區議員，議員最後都係幫你搵返佢哋

個櫃一係掉/一係漂白水消毒成個消毒，應該無其他方案掛，d鼠屎你掃走佢掉入垃圾桶掉咗佢，全程戴口罩手套喺開窗空氣流通嘅情況下做，有埋眼罩就最高規格。依排收好d碗碟杯餐具、食物、水煲飲用水，唔好比老鼠有機會奶到。食嘢前皂液洗手

後續你係要用漂白水消毒成間屋，因為d老鼠同屎尿會有菌有病毒 ，同樣全程戴口罩手套喺開窗空氣流通嘅情況下做，有埋眼罩就最高規格。
同埋你要搵d老鼠係點入屋，做返防鼠，唔係又會loop多次玩殘你