有無絲打係美容院做可以入一入嚟

早排我係某間公司做咗一個療程
完咗佢叫我簽名核實
我見到釘住有張人手寫嘅一堆字
每次療程嘅日子 都有人寫都堆字 每次唔同負責人 所以唔同筆跡
之前幾次都無見過個張紙 可能佢地收起咗
而個陣我無時間睇入面嘅内容 我原本諗住佢地好似護士咁寫排版
但我見到有個腳字
重點係我嘅療程部位無腳部
但上一次職員有係療程期間留意到我對腳 有sell我 我拒絕咗

想問下你地平時點解要寫依啲野？係咩嚟？
姐係想寫低觀察到嘅野 方便日後sell個客 定點？

你對腳好j 所以mark低

每次都有成堆字 起碼五十字
我真係心諗乜啲美容師咁好心機逐個客寫咁多野咩？有咩好寫？佢只係拎住部機嘟嘟嘟 仲要有隻腳字
我個陣覺得好心寒好緊張就拿拿聲簽完個名就走
依架硬係覺得個心好唔舒服
如果下次追問要等兩個月後
同埋分分鐘佢會收返起張紙 只係上次唔小心比我睇到

我之前做facial都試過偷睇到佢地每次幫我做完record 應該都係sell客用
我睇過佢mark 「嫌貴」係本簿到
下次我去做 就sell左啲平既facial俾我 係咁同我講好抵

但陪嗰個等個幾鐘好又似好衰咁
見過好多人整甲帶埋條仔等
去旺中行轉都好多
然後條仔望出嚟嘅眼神係求救咁

係 個名有數字加英文字

20?

係⋯⋯
你係咪知堆字係咩嚟

咁應該係唐姨嗰間

我唔知佢有賣過廣告喎 唔係因為睇到啲名星廣告而去依間

有咩咁心寒
美容全部靠sell plan為生
notes要黎跑數 好正常
跑唔到, 冇數, cut人cut舖

但依個係我嘅推算 我想聽真嘅職員講下⋯⋯
純粹覺得要sell 點解要寫低埋做紀錄 仲要唔係point form 係一大堆字好似作文咁
純粹覺得比人暗中觀察仲要做一堆紀錄 有種好不安嘅感覺
想知道寫作嘅實際用途係咪我推算嘅咁⋯⋯

係 例如25日嘅plan 去到得返10日8日就會remarks開始sell
易sell 難sell 推過乜, 有咩treatment 係15 16 都會記低
進取啲嘅sales連性格都會落埋remarks去模仿(自己跟返客)
啱傾咗 自然易sell啲 (客唔好意思推)
決絕推過嘅 唔會再問 減低對公司反感嘅機會

方便日後sell

唔該哂絲打！

但其實點解有咁多野寫
我嘅療程係每次五分鐘左右就搞掂 得兩個部位
如果佢地係打量我 想mark低我其他身體部位有無野值得sell 點解可以每次療程都寫到50幾字咁多
好想望下佢地寫咗我啲咩
其實如果我下次問佢有關張紙 佢地係咪死都唔會肯比我睇依啲so call公司嘅「內部資料」？

我之前幾次嘅負責人都好有禮貌 態度好好
根住上一次個負責人帶我入房之前同另一個職員打咗一下眼色
然後成個療程我覺得態度好惡劣 全程黑面 無禮貌 手勢又求求其其咁 係令到我感覺氣氛十分唔舒服 不過佢完全無sell過我
關唔關因為一直以嚟佢地sell親 我都話”唔洗啦唔該” 所以佢地就派個黑面態度差嘅人嚟 反正都知我唔會繼續幫襯？

我就係見到類似嘅字眼 姐係口語化 但我剩係睇咗一眼 所以唔肯定有無睇錯
因為一直expect係好正統咁寫療程效果、進展
咁寫低依啲吹水內容係方便日後r返依啲話題傾 等個客覺得好似同佢好啱咀型之類？