係一種執著同態度。
毒撚既毒係可以毒出唔同既層次。
從內到外咁毒，再從外到內咁毒。
而身位一個專業級毒撚
就等我分享下我既成毒之路啦
毒撚進化路線圖
Lv1 (柒毒分支): 怕事型毒撚
簡單黎講就係閃閃縮縮，怕事既草食動物
Lv1 (MK分支): 佐助型毒撚
以為唔出聲就係型，做任何事都唔會盡全力，人地笑鳩你做唔好就會話自己出左一成力only
(鐘意睇火影，死神，高達動漫)
Lv2 : 大愛型毒撚
當正自己係救世主，咩人都會幫，比人恰到上心口都唔會嬲，仲幫返人。認為愛可以感化呢個世界，但其實人地覺得你好核特，好撚假。
lv3 : 痴漢型毒撚
比女仔幫少少，講過少少野，就會無限ff人地對你有興趣。
(鐘意睇戀愛動漫)
lv4 (劇毒分支) : 幻想型毒撚
排隊排隔離，食同一款餐，用同款筆，學號加減乘除等於你既學號，一切計算到盡覺得你同佢係極有緣，係天意
(鐘意睇偶像動漫)
Lv5 (柒毒MK分支) : MK型毒撚
整鳩暗戀對像/女仔，整到人地喊/嬲，以為自己好成功吸引到佢注意，成為對方生活既一部分。
Lv6 : 自重型毒撚
扮唔毒，唔群埋啲毒撚到，特登扮冇睇過動漫，扮唔知咩叫火影，扮唔打機，其實日日係到打同睇。 (鐘意睇有寓意，深度既動漫)
Lv7 (終極毒撚): social型毒撚
R水吹扮到好social，刻意跟潮流但又跟唔到，剪頭髮想剪潮啲，結果柒到仆街。 (部份會迷韓，迷Kpop，務求爭加同女性既話題)
Lv8 (睇化型毒撚): 佛系毒撚
跟返自己本性，隨心隨緣，對異性冇追求。認為男女皆是男，緣分皆是廢，自己必是零。(鐘意分享毒撚心得)
祝大家可以早日成仙，拋開一切枷鎖。
