講明先, 我絕對認同公司發現有人偷嘢之後即刻炒佢哋魷魚;
問題係: 而家已經係2020年3月啦, 公司竟然仲會第一時間就決定報警
我唔知究竟係邊個嘅決定, 但係嗰個人有冇諗過自己間公司係一間公認嘅黃店
即使嗰班係一班抵撚死嘅"前員工", 公司有冇必要做到咁絕
佢哋冇哂前途就必然啦; 最慘嘅係班"黃店前員工"入到狗屋, 你覺得會發生咩事
呢間公司前線真係真係真係好多手足, 佢哋因一時貪念做錯事要受懲罰係非常合理嘅事, 但係佢哋受到嘅懲罰究竟合唔合理
根據幾個熟悉被扣捕"前員工"嘅手足所講, 佢哋唔單止喺狗屋畀狗咬, 仲畀狗借機搜屋查手機, 有機會被加控其他更嚴重嘅控罪, 我想問下公司究竟係好傻好天真咁相信警察會公平公正咁處理呢單案件吖, 定係有心想睇到手足仆街
而家公司前線員工人人自危, 因為我哋好多時都會將公司d爛生果, 爛貨同過期嘢帶返屋企; 原因係我哋入職嘅時候實習導師係有講過爛生果同過期貨喺通報後係由門市自行處理, 門市同事可以自行決定拎去丟定自用; 如果公司反口將所有上述情況都當哂不誠實行為全部都報警處理嘅話, 肯定有好多手足會瀨嘢
再重申一次, 偷嘢嘅員工受罰絕對係天公地道, 但係除咗報警之外, 係咪真係冇其他更好嘅處理方法
